തിരുവനന്തപുരം: കൊവിഡിനെത്തുടര്‍ന്ന് സ്‌കൂള്‍ സമയം ഉച്ചവരെയാക്കിയത് മാറ്റി വൈകീട്ട് നാലു വരെയാക്കാന്‍ തീരുമാനം. വിദ്യാഭ്യാസമന്ത്രിയുടെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനം. നിലവില്‍ ഉച്ചവരെയാണ് ക്ലാസ്. കോവിഡ് സാഹചര്യത്തില്‍ ഷിഫ്റ്റ് അടിസ്ഥാനത്തില്‍ ഇടവിട്ട ദിവസങ്ങളിലാണ് മിക്ക സ്‌കൂളുകളിലും ക്ലാസ് നടക്കുന്നത്.

ക്ലാസ് സമയക്കുറവ് വിദ്യാര്‍ഥികളെ കാര്യമായി ബാധിക്കുന്നുണ്ട്. ഈ സാഹചര്യത്തിലാണ് സ്‌കൂള്‍ സമയം വൈകീട്ടുവരെയാക്കാന്‍ തീരുമാനിച്ചത്. മുഖ്യമന്ത്രിയുടെ അനുമതി ലഭിച്ചശേഷമായിരിക്കും ഔദ്യോഗികമായി പ്രഖ്യാപിക്കുക. പ്ലസ് വണ്ണിന് 50 താല്‍ക്കാലിക ബാച്ചുകള്‍ അധികമായി അനുവദിക്കാനും വിദ്യാഭ്യാസമന്ത്രിയുടെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനമായി.