മുക്കം. ശ്രീനാരായണ ഗുരുവിന്റെ 'നമുക്ക് ജാതിയില്ല' വിളംബരത്തിന്റെ നൂറാം വാര്‍ഷികത്തോടനുബന്ധിച്ച് തിരുവമ്പാടി ഏരിയയിലെ വിവിധ കേന്ദ്രങ്ങളില്‍ നവോത്ഥാന ഘോഷയാത്രയും സാംസ്‌കാരിക സംഗമവും നടത്തി. മുക്കത്ത് നടന്ന ഘോഷയാത്ര അഗസ്ത്യന്‍ മുഴിയില്‍ നിന്ന് തുടങ്ങി മുക്കം നഗരം ചുറ്റി ബസ്സ്റ്റാന്‍ഡ് പരിസരത്ത് സമാപിച്ചു. തുടര്‍ന്ന് നടന്ന ബഹുജന കൂട്ടായ്മ ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്തു. നഗരസഭാ ചെയര്‍മാന്‍ വി. കുഞ്ഞന്‍ അധ്യക്ഷനായി.
സി.പി.എം ജില്ലാ കമ്മിറ്റി അംഗം ടി.വിശ്വനാഥന്‍, ടി.പി മാധവന്‍, നഗരസഭാ ഡപ്യൂട്ടി ചെയര്‍പേഴ്‌സണ്‍ ഫരീദ മോയിന്‍കുട്ടി, കെ. സുന്ദരന്‍, എ.കെ ഉണ്ണികൃഷ്ണന്‍, കെ.ടി ശ്രീധരന്‍, കെ.ടി ബിനു, എ. കല്ലാണിക്കുട്ടി , എ.വി സുധാകരന്‍, എം. അശോകന്‍, എന്‍.ബി വിജയകുമാര്‍ സംസാരിച്ചു.
നോര്‍ത്ത് കാരശ്ശേരിയില്‍ നടന്ന വര്‍ണാഭമായ നവോത്ഥാന ഘോഷയാത്രയില്‍ നിരവധി പേര്‍ പങ്കെടുത്തു. തുടര്‍ന്ന് നടന്ന നവോത്ഥാന സദസ് സി.പി.എം ജില്ലാ കമ്മിറ്റി അംഗം ആര്‍.പി ഭാസ്‌കരന്‍ ഉദ്ഘാടനം ചെയ്തു.
അഡ്വ. പി. കൃഷ്ണകുമാര്‍ അധ്യക്ഷനായി. ടി. വിശ്വനാഥന്‍, കെ. പി വിനു, ഒ. സുഭാഷ്, കെ.പി ഷാജി സംസാരിച്ചു.
തോട്ടുമുക്കം മാടാമ്പിയില്‍ നിന്ന് തുടങ്ങിയ നവോത്ഥാന ഘോഷയാത്ര പള്ളിതാഴെ സമാപിച്ചു. തുടര്‍ന്ന് നടന്ന സാംസ്‌കാരിക സംഗമം സി.പി.എം ജില്ലാ കമ്മിറ്റി അംഗം ടി. വേലായുധന്‍ ഉദ്ഘാടനം ചെയ്തു.
കൊടിയത്തൂര്‍ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ വി.എ സണ്ണി അധ്യക്ഷനായി. ജോണി ഇടശ്ശേരി, വാര്‍ഡ് മെമ്പര്‍ കെ.സി നാടിക്കുട്ടി, ബിനോയ് ലൂക്കോസ്, റഫീഖ് തോട്ടുമുക്കം സംസാരിച്ചു.
കാരശ്ശേരി കാരമൂലയില്‍ നവോത്ഥാന ഘോഷയാത്രയിലെ സാംസ്‌കാരിക സംഗമം മുന്‍ ജില്ലാ പഞ്ചായത്ത് പ്രസിഡന്റ് കാനത്തില്‍ ജമീല ഉദ്ഘാടനം ചെയ്തു. കെ. ശ്രീധരന്‍ അധ്യക്ഷനായി. ജോണി ഇടശ്ശേരി, മാന്ത്ര വിനോദ്, ടി.കെ. സുധാകരന്‍ സംസാരിച്ചു.
തിരുവമ്പാടിയില്‍ ചൊവ്വാഴ്ച നടക്കുന്ന സാംസ്‌കാരിക സംഗമം കെ.ഇ.എന്‍ കുഞ്ഞഹമ്മദ് ഉദ്ഘാടനം ചെയ്യും.