ശ്രീനഗര്‍: ശ്രീ നഗറില്‍ പൊലിസ് ബസിനുനേരെ ഭീകരാക്രമണം. രണ്ടു പൊലിസുകാര്‍ കൊല്ലപ്പെട്ടു. മൂന്നു പേരുടെ നില ഗുരുതരമായി തുടരുന്നു. രണ്ടു ദിവസത്തിനിടെ നടക്കുന്ന മൂന്നാമത്തെ ആക്രമണമാണിത്. രണ്ടു പേരുടെ മരണം ജമ്മുകശ്മീര്‍ ഡി.ജി.പി സ്ഥിരീകരിച്ചു.
അതേ സമയം ജമ്മു കാശ്മീരില്‍ സുരക്ഷാസേന രണ്ട് ഭീകരരെ വധിച്ചിരുന്നു.

രംഗ്രെത്ത് മേഖലയിലാണ് ഏറ്റുമുട്ടലുണ്ടായത്. ഭീകരരുടെ സാന്നിധ്യമുണ്ടെന്ന രഹസ്യവിവരത്തെ തുടര്‍ന്ന് സുരക്ഷാസേന പ്രദേശത്ത് തെരച്ചില്‍ നടത്തുകയായിരുന്നു. ഇതിനിടെ ഭീകരര്‍ സുരക്ഷാസേനയ്ക്ക് നേരെ വെടിയുതിര്‍ത്തു. പ്രത്യാക്രമണത്തിലാണ് ഭീകരര്‍ കൊല്ലപ്പെട്ടത്. മേഖലയില്‍ തെരച്ചില്‍ തുടര്‍ന്നിരുന്നു.