കണ്ണൂർ
മതേതര നിലപാടിൽനിന്ന് ഒരുകാലത്തും മുസ്‌ലിംലീഗ് പിന്നോട്ടുപോയിട്ടില്ലെന്ന് പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി.
മുസ്‌ലിം ലീഗിന്റെ സാന്നിധ്യമാണ് കേരളത്തിന്റെ മതേതര മുഖം മനോഹരമാക്കിയത്. മതത്തിന്റെ പേരിലുള്ള വർഗീയരാഷ് ട്രീയം ലീഗ് ഒരിക്കലും പ്രോത്സാഹിപ്പിക്കില്ല.ആലപ്പുഴ മോഡലിൽ ചേരിതിരിഞ്ഞുള്ള വർഗീയതയാണോ അതല്ല മതേതര കാഴ്ചപ്പാട് ഉയർത്തിപ്പിടിക്കുന്ന രാഷ് ട്രീയമാണോ കേരളത്തിന് വേണ്ടതെന്ന ചോദ്യം മുന്നിലുണ്ട്.
മതേതര സംസ്‌കാരം കേരളത്തിൽ വളർത്തിക്കൊണ്ടുവരാൻ ഉത്തരവാദിത്വം കാണിച്ച മുസ്‌ലിം ലീഗിനെ ഒറ്റപ്പെടുത്തുന്നത് കേരളത്തിന് ഗുണം ചെയ്യില്ല. മുസ്‌ലിം ലീഗിന്റെ ഇടം കൈയടക്കുന്നത് വർഗീയവാദികളാകുമെന്നും പി.കെ കുഞ്ഞാലിക്കുട്ടി പറഞ്ഞു.