ഏറെക്കാലമായി മാഡ്രിഡിന്റെ വിശ്വസ്ത താരമായിരുന്ന നാച്ചോ ക്ലബ്ബ് വിടുന്നു. ഈ സീസണില്‍ റയല്‍ മാഡ്രിഡുമായുള്ള താരത്തിന്റെ കരാര്‍ പൂര്‍ത്തിയാകും. തുടര്‍ന്നാകും അദ്ദേഹം ക്ലബ് വിടുക.

23 വര്‍ഷമായി റയല്‍ മാഡ്രിഡിനൊപ്പമുള്ള താരത്തിന് ക്ലബ് കരാര്‍ നീട്ടി നല്‍കാന്‍ തയ്യാറാണെങ്കിലും താരം മറ്റൊരു തട്ടകത്തിലേക്ക് പോകുന്നതിനാണ് ആഗ്രഹിക്കുന്നതെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്തു. എം.എല്‍.എസിലേക്ക് ചേക്കാറാനാണ് കൂടുതല്‍ സാധ്യതയെന്നും വിവിധ റിപ്പോര്‍ട്ടുകള്‍ വ്യക്തമാക്കുന്നു. റയല്‍ മാഡ്രിഡിനൊപ്പം അഞ്ച് ചാംപ്യന്‍സ് ലീഗ് കിരീടത്തില്‍ പങ്കാളിയായ നാച്ചോ റയലി നായി 236 മത്സരങ്ങളില്‍ ബൂട്ടണിഞ്ഞിട്ടുണ്ട്.