അമ്പലപ്പുഴ: പുറക്കാട് അറബി സയ്യിദ് തങ്ങളുടെ ആണ്ട് നേര്‍ച്ചയോടനുബന്ധിച്ച് പൊതു സമ്മേളനവും സ്വലാത്ത് ഹല്‍ഖ വാര്‍ഷികവും നടന്നു. കാപ്പ അഡ്വസറി ബോര്‍ഡ് മെമ്പര്‍ അഡ്വ: എ നിസാമുദ്ദീന്‍ പൊതു സമ്മേളനം ഉദ്ഘാടനം ചെയ്തു.  ജമാഅത്ത് പ്രസിഡന്റ് ടി എ താഹ അദ്ധ്വക്ഷത വഹിച്ചു.  
ഇമാം ഹാഫിള് ഹബീബുളള ബാഖവി പ്രാര്‍ത്ഥന നടത്തി. കാസര്‍ഗോഡ് ഖലീല്‍ ഇബ്രാഹീം ഹുദവി മുഖ്യ പ്രഭാഷണം നടത്തി.
സ്വലാത്ത് ഹല്‍ഖ വാര്‍ഷികത്തിന് സയ്യിദ് ഹദിയത്തുളള തങ്ങള്‍ അല്‍ഹൈദ്രോസി നേതൃത്വം നല്‍കി.   തോട്ടപ്പള്ളി മുസ്‌ലിം  ജമാഅത്ത്  പ്രസിഡന്റ് ഡോക്ടര്‍ ഐ എം ഇസ്‌ലാഹ്, അബ്ദുല്‍ വാഹിദ് മുസ്‌ലിയാര്‍, ടി എ സൈനുദ്ദീന്‍ മുസിലിയാര്‍ , എന്‍ എ റഹിം,  യു . നാസര്‍, ബി. സുലൈമാന്‍ , പി. മുഹമ്മദ് സഖാഫി, പുന്തല ഇമാം അബ്ദുല്‍ഖാദര്‍ മുസിലിയാര്‍ എന്നിവര്‍ സംസാരിച്ചു.