മസ്കത്ത്: മസ്‌ക്കത്തിൽ എട്ട് പ്രവാസികൾ കടലിൽ വീണു. ഒരാൾ മരിക്കുകയും ഏഴ് പേരെ ആശുപത്രിയിൽ പ്രവേശിപ്പിക്കുകയും ചെയ്തു. മസ്‌ക്കത്ത് ഗവര്‍ണറേറ്റിലെ ബൗശര്‍ വിലായത്തില്‍ ശാത്തി അല്‍ ഖുറം ബീച്ചിലാണ് അപകടം നടന്നത്. ഒരാള്‍ മരിച്ചതായും മറ്റു ഏഴ് പേരെ രക്ഷപ്പെടുത്തിയതായും സിവില്‍ ഡിഫന്‍സ് ആന്റ് ആംബുലന്‍സ് വിഭാഗം വ്യക്തമാക്കി.

രക്ഷപ്പെടുത്തിയ ഏഴ് പേരുടെയും നില ഗുരുതരമായി തുടരുകയാണ്. ഇവരെ ആശുപത്രികളിലേക്ക് മാറ്റി. അപകടത്തില്‍ പെട്ടവര്‍ ഏഷ്യന്‍ രാജ്യങ്ങളിൽ നിന്നുള്ളവരാണ്. എന്നാല്‍ വ്യക്തിഗത വിവരങ്ങളും രാജ്യവും അധികൃതര്‍ പുറത്തുവിട്ടിട്ടില്ല.