കൊച്ചി: നെടുമ്പാശ്ശേരിയിൽ നിന്ന് പുറപ്പെടാനൊരുങ്ങുന്നതിനിടെ വിമാനം തകരാറിലായി. എയർ ഇന്ത്യാ എക്സ്പ്രസ് വിമാനമാണ് ഷാർജയിലേക്ക് പറക്കാൻ ഒരുങ്ങുന്നതിനിടെ തകരാറിലായത്. പുലർച്ചെ 2.15 നാണ് വിമാനത്തിന് തകരാർ കണ്ടെത്തിയത്. യാത്ര മുടങ്ങിയതോടെ യാത്രക്കാർ വിമാനത്തിൽ ഏറെ നേരം കുടുങ്ങി.

കൊച്ചി - ഷാർജ എയർ ഇന്ത്യാ എക്സ്പ്രസ് തകരാര്‍ കണ്ടെത്തിയതിന് പിന്നാലെ യാത്രക്കാരെ വിമാനത്തിൽ നിന്നിറക്കി. മറ്റൊരു വിമാനം സജ്ജമാക്കി യാത്രക്കാരെ ഷാർജയ്ക്ക് അയക്കുമെന്ന് അധികൃതർ അറിയിച്ചു. എന്നാൽ ഇന്ന് പുലർച്ചയോടെ ഷാർജയിൽ എത്തേണ്ടവർ ഇന്ന് രാവിലെ മാത്രം കൊച്ചിയിൽ നിന്ന് പുറപ്പെടൂ എന്നതാണ് നിലവിലെ സ്ഥിതി.