ജൂണിൽ അമേരിക്കയിലും വെസ്റ്റ് ഇൻഡീസിലുമായി നടക്കാനിരിക്കുന്ന ടി20 ക്രിക്കറ്റ് ലോകകപ്പ് നിയന്ത്രിക്കാനുള്ള 26 ഒഫിഷ്യൽസുകളിൽ ഇന്ത്യയിൽ നിന്ന് മൂന്നുപേർ. അംപയർമാരായ നിതിൻ മേനോനും ജയരാമൻ മദനഗോപാലും മാച്ച് റഫറിയായ ജവഗൽ ശ്രീനാഥുമാണ് ലോകകപ്പിനായി രാജ്യത്തു നിന്ന് യാത്ര തിരിക്കുന്നത്.

ഇന്നലെയാണ് ഐ.സി.സി ഒരുമാസം നീണ്ടുനിൽക്കുന്ന ആദ്യ റൗണ്ടിലേക്കുള്ള ഒഫിഷ്യൽമാരെ പ്രഖ്യാപിച്ചത്. മദനഗോപാൽ സീനിയർ പുരുഷ ടൂർണമെന്റ് നിയന്ത്രിക്കുന്നത് ഇതാദ്യമാണ്. 20 അംപയർമാരെയും ആറു മാച്ച് റഫറിയെയുമാണ് ഐ.സി.സി ലോകകപ്പിനു വേണ്ടി തിരഞ്ഞെടുത്തത്.