ലഖ്‌നൗ: കോൽക്കത്തൻ റൺമലയിൽ തകർന്ന് ലഖ്നൗ സൂപ്പര്‍ ജയന്റ്‌സ്.വിജയത്തോടെ ഇന്ത്യന്‍ പ്രീമിയര്‍ ലീഗ് പോയിന്റ് പട്ടികയിൽ കൊല്‍ക്കത്ത നൈറ്റ് റൈഡേഴ്‌സ് തലപത്തേക്ക് ചേക്കേറി . ലഖ്‌നൗ സൂപ്പര്‍ ജയന്റ്‌സിനെതിരായ മത്സരത്തില്‍ 98 റണ്‍സിന്റെ മിന്നും വിജയം സ്വന്തമാക്കിയാണ് കൊല്‍ക്കത്ത സ്വന്തമാക്കിയത്. 235 റണ്‍സ് വിജയലക്ഷ്യത്തിലേക്ക് ബാറ്റുവീശിയ ലഖ്‌നൗവിനെ 137 റണ്‍സിന് കൊല്‍ക്കത്ത എറിഞ്ഞൊതുക്കി.

16.1 ഓവറിലാണ് ലഖ്‌നൗ ഓള്‍ഔട്ടായത്. 21 പന്തില്‍ 36 റണ്‍സെടുത്ത മാര്‍കസ് സ്റ്റോയിനിസാണ് ലഖ്‌നൗവിന്റെ ടോപ് സ്‌കോറര്‍. കൊല്‍ക്കത്തയ്ക്ക് വേണ്ടി ഹര്‍ഷിത് റാണ, വരുണ്‍ ചക്രവര്‍ത്തി എന്നിവര്‍ മൂന്ന് വീതം വിക്കറ്റുകള്‍ വീഴ്ത്തി.