ശ്രീനഗര്‍: പൂഞ്ച് ഭീകരാക്രമണത്തില്‍ ഉള്‍പ്പെട്ട രണ്ട് ഭീകരരുടെ രേഖാചിത്രം സൈന്യം പുറത്ത് വിട്ടു. ഇവരെ പിടികൂടാന്‍ സഹായിക്കുന്നവര്‍ക്ക് 20 ലക്ഷം രൂപ ഇനാം നല്‍കുമെന്നാണ് സൈന്യം അറിയിച്ചിരിക്കുന്നത്. 

ശനിയാഴ്ച്ച വൈകീട്ട് സുരന്‍കോട്ട് മേഖലയിലെ സനായി ടോപ്പിലേക്ക് വാഹനങ്ങള്‍ നീങ്ങുന്നതിനിടെ ശശിധറിന് സമീപത്തുവച്ചാണ് ആക്രമണമുണ്ടായത്. സംഭവത്തില്‍ ഒരു സൈനികന്‍ കൊല്ലപ്പെടുകയും നാല് സൈനികര്‍ക്ക് പരുക്കേല്‍ക്കുകയും ചെയ്തിരുന്നു. വ്യോമസേന സൈനികന്‍ വിക്കി പഹാഡോ ആണ് കൊല്ലപ്പെട്ടത്. ഇദ്ദേഹത്തിന്റെ മൃതദേഹം നാട്ടിലെത്തിച്ചു. മധ്യപ്രദേശിലെ ചിന്ദ്വാരയിലെ വിമാനത്താവളത്തില്‍ ഔദ്യോഗിക ബഹുമതികള്‍ നല്‍കി.

ഭീകരര്‍ രണ്ടുവാഹനങ്ങള്‍ക്കുനേരേ പതുങ്ങിയിരുന്ന് വെടിയുതിര്‍ക്കുകയായിരുന്നു. അനന്ത്‌നാഗ്‌രജൗറി ലോക്‌സഭാ മണ്ഡലങ്ങളിലെ വോട്ടെടുപ്പിന് മൂന്നാഴ്ചമാത്രം ശേഷിക്കേയാണ് ആക്രമണം.