കൊല്ലം: കേരളാ പൊലിസ് അസോസിയേഷന്‍ കൊല്ലം റൂറല്‍ ജില്ലാ കമ്മിറ്റിയുടെ ആഭിമുഖ്യത്തില്‍ കൊല്ലം റൂറല്‍ ജില്ലയിലെ പൊലിസ് ഉദ്യോഗസ്ഥരുടെ മക്കളില്‍ വിവിധ പരീക്ഷകളില്‍ ഉന്നതവിജയം നേടിയവര്‍ക്ക് അവാര്‍ഡുകള്‍ വിതരണം ചെയ്തു. കൊട്ടാരക്കര ജൂബിലി മന്ദിരം ഓഡിറ്റോറിയത്തില്‍ നടന്ന ചടങ്ങില്‍ അസോസിയേഷന്‍ പ്രസിഡന്റ് ഒ. ജോണ്‍സണ്‍ അധ്യക്ഷനായി. റൂറല്‍ ജില്ലാ പൊലിസ് മേധാവി എസ്. അജിതാബീഗം ഉദ്ഘാടനം ചെയ്തു. മരണപ്പെട്ട പൊലിസ് ഉദ്യോഗസ്ഥരുടെ കുടുംബത്തിനുളളള ധനസഹായവും വിതരണം ചെയ്തു. തുടര്‍ന്ന് എസ്. അജിതാബീഗം നയിച്ച മോട്ടിവേഷന്‍ ക്ലാസ്സില്‍ വിവിധ വിദ്യാലയങ്ങളില്‍ നിന്നുളള വിദ്യാര്‍ഥികള്‍ പങ്കെടുത്തു.