തൃശൂര്‍: പൊലിസ് കസ്റ്റഡിയിലെടുത്തവരെ സിഐ കരിക്കുകൊണ്ട് മര്‍ദ്ദിച്ചതായി പരാതി. അന്തിക്കാട് സിഐക്കെതിരെയാണ് ആരോപണം. വെളുത്തൂര്‍ നമ്പോര്‍ക്കാവ് ക്ഷേത്രോത്സവത്തിനിടെ ഉണ്ടായ സംഘര്‍ഷത്തിലാണ് ആറ് പേരെയും കസ്റ്റഡിയിലെടുത്തത്. സ്റ്റേഷനിലെത്തിച്ച യുവാക്കളെ കരിക്ക് ഉപയോഗിച്ച് മര്‍ദ്ദിച്ചതായി അന്തിക്കാട് ബ്ലോക്ക് പഞ്ചായത്ത് പ്രസിഡന്റ് കെകെ ശശിധരനും ആരോപിച്ചു.

കഴിഞ്ഞ ആഴ്ചയും സിഐക്കെതിരെ സമാന പരാതി ഉയര്‍ന്നിരുന്നു. ചാഴൂരിലെ സിപിഎം പ്രാദേശിക നേതാവിനെ കരിക്കു കൊണ്ടു മര്‍ദ്ദിച്ചുവെന്നാണ് പരാതി.