ഗുവാഹത്തി: ഇന്ത്യന്‍ പ്രീമിയര്‍ ലീഗില്‍ പഞ്ചാബ് കിങ്‌സിനെതിരായ മത്സരത്തില്‍ രാജസ്ഥാന്‍ റോയല്‍സിന് പരാജയം. നേരത്തെ പ്ലേ ഓഫ് ഉറപ്പിച്ച രാജസ്ഥാനെ അഞ്ച് വിക്കറ്റിനാണ് പോയിന്റ് ടേബിളിലെ അവസാനക്കാരായ പഞ്ചാബ് തകര്‍ത്തത്. രാജസ്ഥാന്‍റെ തുടർച്ചയായ നാലാം പരാജയമാണിത്.

ആദ്യം ബാറ്റ് ചെയ്ത രാജസ്ഥാനെ 144 റണ്‍സിലൊതുക്കിയ പഞ്ചാബ് മറുപടി ബാറ്റിങ്ങില്‍ ഏഴ് പന്ത് ബാക്കിനില്‍ക്കെ അഞ്ച് വിക്കറ്റ് നഷ്ടത്തില്‍ വിജയത്തിലെത്തി. പഞ്ചാബിന് വേണ്ടി ക്യാപ്റ്റന്‍ സാം കറന്‍ (63*) അര്‍ദ്ധ സെഞ്ച്വറി നേടി.