പാലക്കാട്: ഷോക്കേറ്റ് കരടികള്‍ ചാകുന്നത് പാലക്കാട് ജില്ലയില്‍ ഇതാദ്യമാണെന്ന് വനം വകുപ്പ് അധികൃതര്‍. കരടികളുടെ ജഡം ഇന്നലെ ധോണിയിലെ വനംവകുപ്പിന്റെ ഫോറസ്റ്റ് ക്യാംപിലേക്ക് മാറ്റിയിരുന്നു. ഇന്നലെ ഉച്ചയ്ക്ക് രണ്ടരയോടെയാണ് പാലക്കാട് കഞ്ചിക്കോട് അയ്യപ്പന്‍മലയില്‍ വൈദ്യുതി ലൈനില്‍ നിന്ന് കരടികളെ ഷോക്കേറ്റ് ചത്ത നിലയില്‍ കണ്ടെത്തിയത്. പന്നികരടി വിഭാഗത്തില്‍പ്പെട്ട 12,3 വയസ്സ് പ്രായമുള്ള കരടികളാണ് ചത്തത്. കരടികളുടെ പോസ്റ്റ്‌മോര്‍ട്ടം ഇന്ന് നടത്തും. ചീഫ് വെറ്ററിനറി സര്‍ജന്‍ ഡോ.ഡേവിഡ് എബ്രഹാമിന്റെ നേതൃത്വത്തില്‍ പോസ്റ്റ്‌മോര്‍ട്ടം നടത്തും.