ആനക്കര: ആനക്കരയില്‍ തെരുവു നായ കുറുകെ ചാടി ഓട്ടോ റിക്ഷ നിയന്ത്രണം വിട്ടു തോടിനു സമീപത്തേക്കു മറിഞ്ഞു. ആനക്കര എന്‍ജിനിയര്‍ റോഡില്‍ ആനക്കരയ്ക്കു സമീപം ഇന്നലെ പുലര്‍ച്ചെ അഞ്ചോടെയാണ് സംഭവം. പട്ടാമ്പിയില്‍ നിന്ന് ആനക്കരയിലേക്കു വരികയായിരുന്ന ഓട്ടോറിക്ഷയാണ് അപകടത്തില്‍പ്പെട്ടത്.  
ഓട്ടോയിലുണ്ടായിരുന്ന ഡ്രൈവര്‍ അത്ഭുതകരമായി രക്ഷപ്പെട്ടു. റോഡിലെ സമീപത്തെ കരിങ്കല്ല് കെട്ടു തകര്‍ത്താണ് ഓട്ടോ മറിഞ്ഞത്. ഓട്ടോയുടെ മുന്‍വശം പൂര്‍ണമായും തകര്‍ന്നു.