ചേര്‍ത്തല : ചേര്‍ത്തല പള്ളിപ്പുറത്ത് നടുറോഡില്‍ ഭാര്യയെ കുത്തിക്കൊന്ന ഭര്‍ത്താവ് പള്ളിപ്പുറം ഒറ്റപ്പുന്ന രാജേഷ് പിടിയില്‍. ചേന്നംപള്ളിപ്പുറം പഞ്ചായത്ത് പതിനാറാം വാര്‍ഡ് വലിയവെളി അമ്പിളി(43) ആയിരുന്നു ശനിയാഴ്ച്ച വൈകുന്നേരം ആറരയോടെ കൊല്ലപ്പെട്ടത്. പള്ളിപ്പുറം പള്ളിച്ചന്ത കവലയ്ക്ക് സമീപം വച്ചായിരുന്നു കൊലപാതകം.

രാജേഷിന്റെ ആക്രമണത്തില്‍ ഗുതുരതമായി പരിക്കേറ്റ അമ്പിളിയെ ചേര്‍ത്തല കെ.വി.എം ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. അമ്പിളിയെ കുത്തിയ ശേഷം രാജേഷ് ഓടി രക്ഷപ്പെട്ടിരുന്നു. തുടര്‍ന്ന് നടത്തിയ തെരച്ചിലാണ് ഇയാള്‍ പിടിയിലായത്. ഇരുവരും പതിവായി വഴക്കിടാറുണ്ടായിരുന്നുവെന്ന് പൊലിസ് പറഞ്ഞു. 

സഹകരണ ബാങ്കിലെ കലക്ഷന്‍ ഏജന്റായിരുന്നു അമ്പിളി. ഇവരുടെ കൈവശമുണ്ടായിരുന്ന പണമടങ്ങിയ ബാഗുമായാണ് രാജേഷ് സംഭവസ്ഥത്ത് നിന്ന് മുങ്ങിയത്.