ദുബൈ: ദുബൈയിൽ സുരക്ഷ നിലനിർത്തുന്നതിലും വിവിധ പട്രോളിംഗ് യൂണിറ്റുകൾക്കും രക്ഷാ സംഘങ്ങൾക്കും സംഭവസ്ഥലങ്ങളിലേക്ക് വേഗത്തിൽ എത്തിച്ചേരുന്നതിലും ജനറൽ ഡിപ്പാർട്ട്മെന്റ് ഓഫ് ഓപറേഷൻസ് വഹിക്കുന്ന പങ്ക് വലുതാണെന്ന് ദുബൈ പൊലിസ് ക്രിമിനൽ ഇൻവെസ്റ്റിഗേഷൻ അഫയേഴ്സ് അസിസ്റ്റന്റ് കമാൻഡന്റ് മേജർ ജനറൽ ഖലീൽ ഇബ്റാഹിം അൽ മൻസൂരി പറഞ്ഞു.

 ദുബൈ പൊലിസ് ഓപ്പറേഷൻസ് വിഭാഗത്തിന്റെ പ്രവർത്തനങ്ങൾ വിലയിരുത്തുകയായിരുന്നു അദ്ദേഹം . ഡയറക്ടർ ബ്രിഗേ . ശൈഖ് മുഹമ്മദ് അബ്ദുല്ല അൽ മുഅല്ല , മേജർ ജനറൽ അബ്ദുല്ല അലി അൽ ഗെത്തി എന്നിവർ യോഗത്തിൽ പങ്കെടുത്തു . ദുബൈ പൊലിസിന്റെ തന്ത്രപരമായ ലക്ഷ്യങ്ങൾ കൈവരിക്കുന്നതിന് എല്ലാ പൊലിസ് മേഖലകളും  തമ്മിലുള്ള സഹകരണം വർധിപ്പിക്കേണ്ടതിന്റെ പ്രാധാന്യവും യോഗത്തിൽ അൽ മൻസൂരി ചൂണ്ടിക്കാട്ടി .

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക: