സിംബാബ്വേ പേസർ ബ്ലെസ്സിംഗ് മുസരബാനിയെ പ്രശംസിച്ച് മുൻ ഇന്ത്യൻ താരം മുഹമ്മദ് കൈഫ്. ടി-20 ലോകകപ്പ് കഴിഞ്ഞാണ് ഐപിഎൽ ലേലം നടന്നിരുന്നുവെങ്കിൽ 20 കോടിയോളം രൂപ താരത്തിന് ലഭിക്കുമായിരുന്നുവെന്നാണ് കൈഫ് പറഞ്ഞത്. മുസരബാനി മികച്ച ബൗളർ ആണെന്നും ഭാവിയിൽ ഐപിഎൽ ടീമുകൾ താരത്തെ സ്വന്തമാക്കാൻ ലക്ഷ്യം വെക്കുമെന്നും കൈഫ് പറഞ്ഞു. 

"ബ്ലെസ്സിംഗ് മുസരബാനി ഒരു അസാധാരണ ബൗളറാണ്. ഭാവിയിൽ ഐപിഎൽ ഫ്രാഞ്ചൈസികൾ അദ്ദേഹത്തെ ലക്ഷ്യം വെക്കും. മത്സരത്തിൽ എല്ലാ സമയങ്ങളിലും അദ്ദേഹം പന്തെറിയും. ന്യൂ ബോളും ഓൾഡ് ബോളും ഉപയോഗിച്ചാണ് അദ്ദേഹം ഇത് ചെയ്യുന്നത്. ലോകകപ്പിന് ശേഷമാണ് ഐപിഎൽ ലേലം നടന്നിരുന്നതെങ്കിൽ മുസരബാനി ഇപ്പോൾ പന്തെറിയുന്ന രീതിയും നോക്കുമ്പോൾ ഐപിഎൽ ലേലത്തിൽ അദ്ദേഹത്തിന് കുറഞ്ഞത് 20 കോടി രൂപ ലഭിക്കുമായിരുന്നുവെന്ന് എനിക്ക് പറയാൻ കഴിയും'' കൈഫ് പറഞ്ഞു. 

ടി-20 ലോകകപ്പിലെ സിംബാബ്വേയുടെ കുതിപ്പിൽ നിർണായകമായ പങ്കുവഹിച്ച താരമാണ് മുസരബാനി. ഒമ്പത് വിക്കറ്റുകളാണ്‌ താരം ഇതുവരെ വീഴ്ത്തിയിട്ടുള്ളത്. ഈ ലോകകപ്പിൽ സിംബാബ്വേ അമ്പരിപ്പിക്കുന്ന കുതിപ്പാണ് നടത്തിക്കൊണ്ടിരിക്കുന്നത്. കരുത്തരായ ശ്രീലങ്കയെ ആറ് വിക്കറ്റിന് തകർത്ത് ഗ്രൂപ്പ് ചാമ്പ്യന്മാരായാണ് സിംബാബ്‌വെ സൂപ്പർ 8 പോരാട്ടങ്ങൾക്ക് യോഗ്യത നേടിയത്. കൊളംബോയിലെ പ്രേമദാസ സ്റ്റേഡിയത്തിൽ നടന്ന ആവേശകരമായ മത്സരത്തിൽ അവസാന ഓവർ വരെ നീണ്ടുനിന്ന പോരാട്ടത്തിനൊടുവിലാണ് സിംബാബ്‌വെ വിജയം പിടിച്ചെടുത്തത്. 

ടോസ് നേടി ബാറ്റിംഗ് തിരഞ്ഞെടുത്ത ശ്രീലങ്ക നിശ്ചിത 20 ഓവറിൽ 7 വിക്കറ്റ് നഷ്ടത്തിൽ 178 റൺസെടുത്തു.പതും നിസ്സങ്ക:41 പന്തിൽ 62 റൺസുമായി ലങ്കൻ ഇന്നിംഗ്സിന്റെ നട്ടെല്ലായി.പവൻ രത്നായകെ 25 പന്തിൽ 44 റൺസുമായി മികച്ച പിന്തുണ നൽകി.കുശാൽ പെരേര (22), കുശാൽ മെൻഡിസ് (14) എന്നിവരും ഭേദപ്പെട്ട പ്രകടനം കാഴ്ചവെച്ചു.

വിജയലക്ഷ്യം പിന്തുടർന്നിറങ്ങിയ സിംബാബ്‌വെ 19.3 ഓവറിൽ ലക്ഷ്യം കണ്ടു.ബ്രയാൻ ബെന്നറ്റ് 48 പന്തിൽ പുറത്താവാതെ 63 റൺസ് നേടി ഇന്നിംഗ്സ് കാത്തു. 8 ബൗണ്ടറികളാണ് താരം നേടിയത്.സിക്കന്ദർ റാസ 26 പന്തിൽ 45 റൺസുമായി മത്സരത്തിന്റെ ഗതി മാറ്റി. 4 സിക്സറുകളും 2 ഫോറുകളും പറത്തിയ റാസയാണ് പ്ലെയർ ഓഫ് ദി മാച്ച്.

Former India player Mohammad Kaif has praised Zimbabwean pacer Blessing Musarabani. Kaif said that if the IPL auction had been held after the T20 World Cup, the player would have fetched around Rs 20 crore. Kaif said that Musarabani is a good bowler and IPL teams will target him in the future.