അഹമ്മദാബാദ്: ടി-20 ക്രിക്കറ്റിൽ പുത്തൻ നാഴികക്കല്ല് സ്വന്തമാക്കി ഇന്ത്യൻ താരം ജെമീമ റോഡ്രിഗസ്. ഇന്റർനാഷണൽ ടി-20യിൽ 2500 റൺസ് പൂർത്തിയാക്കിയാണ് ജെമീമ റെക്കോർഡിട്ടത്. ഓസ്‌ട്രേലിയൻ വിമൺസിനെതിരായ മൂന്ന് ടി-20 മത്സരങ്ങളുടെ പരമ്പരയിലെ അവസാന മത്സരത്തിലാണ് ജെമീമ ഈ നേട്ടം കൈവരിച്ചത്.

അഡലെയ്ഡിൽ നടന്ന മത്സരത്തിൽ 46 പന്തിൽ നാല് ഫോറുകൾ അടക്കം 59 റൺസാണ് താരം നേടിയത്. മത്സരത്തിൽ എട്ട് റൺസ് നേടിയതോടെയാണ് ടി-20യിൽ 2500 റൺസെന്ന നാഴികക്കല്ലിലേക്ക് ജെമീമ നടന്നുകയറിയത്. ഇന്ത്യക്കായി 118 ടി-20 മത്സരങ്ങളിൽ നിന്നും 14 അർദ്ധ സെഞ്ച്വറികളാണ് ജെമീമ സ്വന്തമാക്കിയിട്ടുള്ളത്. 

ഇന്ത്യക്കായി ഈ നേട്ടം കൈവരിക്കുന്ന നാലാമത്തെ വനിതാ താരമാണ് ജെമീമ. ഹർമൻപ്രീത് കൗർ, സ്‌മൃതി മന്ദാന, ഷഫാലി വർമ്മ എന്നിവരായിരുന്നു ഇതിന് മുമ്പ് ഈ നേട്ടം കൈവരിച്ചിരുന്നത്. 

അതേസമയം മത്സരത്തിൽ 17 റൺസിനായിരുന്നു ഇന്ത്യൻ വനിതകളുടെ വിജയം. മത്സരത്തിൽ ആദ്യം ബാറ്റ് ചെയ്ത ഇന്ത്യ 20 ഓവറിൽ ആറ് വിക്കറ്റ് നഷ്ടത്തിൽ 176 റൺസാണ് നേടിയത്. മറുപടി ബാറ്റിങ്ങിനിറങ്ങിയ ഓസീസ് ഇന്നിംഗ്സ് ഒമ്പത് വിക്കറ്റ് നഷ്ടത്തിൽ 159 റൺസിൽ അവസാനിക്കുകയായിരുന്നു. 

മത്സരത്തിൽ ജെമീമക്ക് പുറമെ സ്‌മൃതി മന്ദാനയും അർദ്ധ സെഞ്ച്വറി നേടി. 55 പന്തിൽ 82 റൺസാണ് സ്‌മൃതി നേടിയത്. എട്ട് ഫോറുകളും മൂന്ന് സിക്സുകളും അടങ്ങുന്നതാണ് താരത്തിന്റെ ഇന്നിംഗ്സ്.  ഇന്ത്യൻ ബൗളിങ്ങിൽ ശ്രേയങ്ക പാട്ടിൽ, ശ്രീ ചരണി എന്നിവർ മൂന്ന് വീതം വിക്കറ്റുകളും നേടിയപ്പോൾ ഓസ്‌ട്രേലിയ 17 റൺസകലെ തോൽവി സമ്മതിക്കുകയായിരുന്നു. അരുന്ധതി റെഡ്ഢി രണ്ട് വിക്കറ്റും രേണുക സിങ് ഒരു വിക്കറ്റും നേടി ഓസ്‌ട്രേലിയയുടെ പതനം പൂർത്തിയാക്കി. 

ഓസ്‌ട്രേലിയൻ നിരയിൽ ആഷ്‌ലീ ഗാർഡ്‌നർ അർദ്ധ സെഞ്ച്വറി നേടി മികച്ച ചെറുത്തുനിൽപ്പ് നടത്തി. 45 പന്തിൽ അഞ്ചു ഫോറുകളും ഒരു സിക്‌സും അടക്കം 57 റൺസ് നേടിയാണ് താരം തിളങ്ങിയത്. 

Indian player Jemimah Rodrigues has achieved a new milestone in T20 cricket. Jemimah has set a record by completing 2500 runs in international T20s. Jemimah achieved this feat in the final match of the three-match T20 series against Australian Women. In the match played in Adelaide, the player scored 59 runs in 46 balls, including four fours. Jemimah crossed the milestone of 2500 runs in T20s after scoring eight runs in the match. Jemimah has scored 14 half-centuries in 118 T20 matches for India.