പാലക്കാട്: പാലക്കാട് ചിറ്റിലഞ്ചേരിയിൽ തോട്ടിൽ നിന്ന് മീൻ പിടിക്കുന്നതിനിടെ ഷോക്കേറ്റ് യുവാവിന് ദാരുണാന്ത്യം. വണ്ടാഴി തണ്ടലോട് സ്വദേശിയായ സതീഷ് (33) ആണ് മരിച്ചത്. ശനിയാഴ്ച വൈകിട്ട് ആറ് മണിയോടെ വട്ടോംപാടത്തുള്ള തോട്ടിലായിരുന്നു അപകടം. സംഭവത്തിൽ സതീഷിന്റെ സുഹൃത്തുക്കളായ വിജീഷ്, വിശ്വനാഥ് എന്നിവരെ ആലത്തൂർ പൊലിസ് കസ്റ്റഡിയിലെടുത്തു.

ഇലക്ട്രിക് ലൈനിൽ നിന്നും നിയമവിരുദ്ധമായി വൈദ്യുതി എത്തിച്ച് മീൻ പിടിക്കാൻ ശ്രമിക്കുന്നതിനിടെയാണ് സതീഷിന് ഷോക്കേറ്റത്.

സംഭവത്തിൽ സതീഷിന്റെ സുഹൃത്തുക്കൾക്കെതിരെ മനപ്പൂർവ്വമല്ലാത്ത നരഹത്യയ്ക്ക് പൊലിസ് കേസെടുത്തിട്ടുണ്ട്. ഇവരെ നിലവിൽ ചോദ്യം ചെയ്തുവരികയാണ്. നെന്മാറയിലെ സ്വകാര്യ ആശുപത്രിയിലേക്ക് മാറ്റിയ സതീഷിന്റെ മൃതദേഹം, പോസ്റ്റ്‌മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുകൊടുക്കും.

A 33-year-old man, Sathish, died of an electric shock while fishing in a stream at Chittilanchery, Palakkad. His friends, Vijish and Vishwanath, have been taken into custody by the Alathur police.