ന്യൂഡൽഹി: തിരഞ്ഞെടുപ്പിൻ്റെ ആറാം ഘട്ടത്തിലെ പ്രചാരണം കൊട്ടിക്കലാശത്തിലേക്ക് നീങ്ങുമ്പോൾ ഡൽഹിയിലെങ്ങും ഭരണ മാറ്റത്തിൻ്റെ കാറ്റ് വീശുന്നു. ഇന്ത്യ മുന്നണിക്ക് വേണ്ടി മത്സരിക്കുന്ന കോൺഗ്രസ് -ആം ആദ്മി സ്ഥാനാർത്ഥികൾക്ക് വേണ്ടിയുള്ള പ്രചാരണ പ്രവർത്തനങ്ങൾ പൊള്ളുന്ന ചൂടിലും ആവേശകരമായി മുന്നേറുകയാണ്. ഏഴ് മണ്ഡലങ്ങളിലും വിജയപുറപ്പിക്കാനുള്ള ചിട്ടയായ പ്രവർത്തനങ്ങളാണ് ഡൽഹിയിൽ നടക്കുന്നത്. ഈസ്റ്റ് ഡൽഹി മണ്ഡലത്തിൽ മത്സരിക്കുന്ന ആം ആദ്മി സ്ഥാനാർത്ഥി കുൽദീപ് കുമാറിന് വേണ്ടി ഓഖ്ല വിഹാർ മേഖലയിൽ മുസ്ലിം ലീഗ് നേതാക്കളോടൊപ്പം ചാണ്ടി ഉമ്മൻ എം.എൽ.എയും പ്രചരണം നടത്തി. ന്യൂനപക്ഷങ്ങൾ തിങ്ങി താമസിക്കുന്ന ഈസ്റ്റ് ഡൽഹി യൂത്ത് ലീഗ് ദേശീയ പ്രസിഡന്റിന്റെ മണ്ഡലം കൂടിയാണ്.

ഡൽഹി ഈസ്റ്റ് മണ്ഡലത്തിൽ മത്സരിക്കുന്ന ആം ആദ്മി പാർട്ടി നേതാവും ഇന്ത്യ മുന്നണി സ്ഥാനാർഥിയുമായ കുൽദീബ് കുമാറിന്റെ പ്രചരണ പരിപാടിയിൽ ചാണ്ടി ഉമ്മൻ എം.എൽ.എ,  മുസ്‌ലിം ലീഗ് ദേശീയ സെക്രട്ടറി സികെ സുബൈർ, യൂത്ത് ലീഗ് നേതാക്കളായ വികെ ഫൈസൽ ബാബു, ടിപി അഷ്‌റഫലി, ഷിബു മീരാൻ, സികെ ശാക്കിർ, പിവി അഹമ്മദ് സാജു, അതീബ് ഖാൻ, മുഹമ്മദ്‌ ഹലിം എന്നിവർ

 മണ്ഡലത്തിലെ ഡോർ ടു ഡോർ ക്യാമ്പയിനിൽ മുസ്‌ലിം ലീഗ് ദേശീയ സെക്രട്ടറി സികെ സുബൈർ,  യൂത്ത്‌ ലീഗ് ദേശീയ പ്രസിഡന്റ് ആസിഫ് അൻസാരി, ജനറൽ സെക്രട്ടറി അഡ്വ.വികെ ഫൈസൽ ബാബു, ഓർഗനൈസിങ് സെക്രട്ടറി ടിപി അഷ്‌റഫലി, വൈസ്പ്രസിഡന്റ് അഡ്വ.ഷിബു മീരാൻ, സെക്രട്ടറി സികെ ശാക്കിർ, എംഎസ്എഫ് ദേശീയ പ്രസിഡന്റ് പി.വി അഹമ്മദ് സാജു, ട്രഷറർ അതീബ് ഖാൻ, ഡൽഹി കെഎംസിസി സെക്രട്ടറി മുഹമ്മദ്‌ ഹലിം തുടങ്ങിയവർ സംബന്ധിച്ചു.