സംസ്ഥാനത്ത് കനത്ത മഴയെ തുടർന്ന് തിരുവനന്തപുരത്ത് ഇറങ്ങേണ്ട നാലു വിമാനങ്ങൾ കൊച്ചിയിലേക്ക് വഴിതിരിച്ചുവിട്ടു. ദുബായിൽ നിന്നെത്തിയ എമിറേറ്റ്സ്, കുവൈത്തിൽ നിന്നെത്തിയ കുവൈത്ത് എയർവെയ്സ്, മുംബൈയിൽ നിന്നെത്തിയ ഇൻഡിഗോ, ദോഹയിൽ നിന്ന് തിരിച്ച ഖത്തർ എയർവെയ്സ് എന്നീ വിമാനങ്ങളാണ് കനത്തമഴയിൽ പൈലറ്റുമാർക്ക് റൺവേ കാണാത്തതിനാൽ നെടുമ്പാശ്ശേരിയിലേക്ക് തിരിച്ചു വിടേണ്ടി വന്നത്. ശേഷം കാലാവസ്ഥ ശാന്തമായി റൺവേ വിമാനമിറങ്ങാൻ യോഗ്യമായതിനുശേഷം വീണ്ടും തിരുവനന്തപുരത്തേക്ക് പുറപ്പെട്ടു.