കൊച്ചി: സംസ്ഥാനത്ത് വീണ്ടും കാറിന് തീ പിടിച്ച അപകടം. എറണാകുളം അങ്കമാലി ടൗണിലാണ് ഓടിക്കൊണ്ടിരുന്ന കാറിന് തീപിടിച്ചത്. യാത്രക്കാര്‍ ഇറങ്ങിയോടിയതിനാല്‍ വന്‍ ദുരന്തം ഒഴിവായി. രക്ഷപ്പെട്ടു. കാബിനില്‍ നിന്ന് പുക ഉയരുന്നത് കണ്ട് യാത്രക്കാര്‍ ഇറങ്ങി ഓടുകയായിരുന്നു. അങ്കമാലി ഫയര്‍ ഫോഴ്‌സെത്തി തീയണച്ചു. 

കഴിഞ്ഞ ദിവസം കോഴിക്കോട് കാറിന് തീപിടിച്ച് യാത്രക്കാരന്‍ വെന്ത് മരിച്ചിരുന്നു. പുക ഉയരുന്നത് കണ്ട് ഇയാള്‍ കാര്‍ നിര്‍ത്തിയിരുന്നു. നാട്ടുകാര്‍ ഓടി വന്ന് ഡോര്‍ തുറന്ന് കൊടുത്തെങ്കിലും സീറ്റ് ബെല്‍റ്റ് അഴിക്കാന്‍ കഴിഞ്ഞില്ല. സീറ്റ് ബെല്‍റ്റ് ഊരാന്‍ സ്രമിക്കുന്നതിനിടെ തീ ആളിപ്പടരുകയായിരുന്നു.