ചെലവ് ചുരുക്കുന്നതിന്റെ ഭാഗമായി കൂട്ട പിരിച്ചുവിടലുമായി പേടിഎം. ഇതിലൂടെ ഏതാണ്ട് 500 കോടിയോളം ലാഭിക്കാമെന്നാണ് കമ്പനി കരുതുന്നത്. റിസർവ് ബാങ്കിന്റെ നിയന്ത്രണങ്ങളെ തുടർന്ന് തിരിച്ചടി നേരിട്ട പേടിഎം നിലവിൽ ചെലവ് ചുരുക്കലിന്റെ ഭാഗമായാണ് ഇത്തരമൊരു നടപടിയിലേക്ക് കടക്കുന്നത്.

ഓഹരി ഉടമകൾക്ക് അയച്ച കത്തിൽ എടിഎം സിഇഒ വിജയ് ശേഖർ ശർമയാണ് ഈ കാര്യം അറിയിച്ചത്. പേടിഎമ്മിന്റെ മാതൃ കമ്പനിയായ വൺ97 കമ്മ്യൂണിക്കേഷൻ തൊഴിലാളികളെ പിരിച്ചുവിടുമെന്ന വാർത്ത സ്ഥിരീകരിച്ചു. എന്നാൽ തൊഴിൽ നഷ്ടപ്പെടുന്നവർക്ക് പുതിയ തൊഴിൽ തേടുന്നതിനുള്ള സഹായ സഹകരണങ്ങൾ തങ്ങളുടെ ഭാഗത്തുനിന്ന് ഉണ്ടാകുമെന്നും കമ്പനി ഉറപ്പുനൽകിയിട്ടുണ്ട്.

തൊഴിലാളികളെ പിരിച്ചു വിടുന്നതിലൂടെ പ്രതിവർഷം 450 മുതൽ 500 കോടി രൂപ വരെ സമാഹരിക്കാമെന്നാണ് കമ്പനി കണക്കുകൂട്ടുന്നത്. ഭാവിയിൽ സേവനങ്ങളിൽ എ ഐ ടൂളുകളുടെ സാധ്യതകൾ ഉപയോഗിക്കാനും കമ്പനി തീരുമാനിച്ചിട്ടുണ്ട്.