കോഴിക്കോട്: കാലിക്കറ്റ് യൂണിവേഴ്‌സിറ്റി യൂണിയന്‍ ഭരണം യു.ഡി.എസ്.എഫിന്. ചെയര്‍മാന്‍, വൈസ് ചെയര്‍മാന്‍ പോസ്റ്റുകളും, മൂന്ന് ജനറല്‍ സീറ്റുകളും കെ.എസ്.യു, എം.എസ്.എഫ് മുന്നണി പിടിച്ചെടുത്തു. എട്ടു വര്‍ഷത്തിന് ശേഷമാണ് എസ്.എഫ്.ഐക്ക് യൂണിയന്‍ ഭരണം നഷ്ടമാകുന്നത്. 

പാലക്കാട് വിക്ടോറിയ കോളജില്‍ നിന്നുള്ള നിതിന്‍ ഫാത്തിമ (കെ.എസ്.യു)വാണ് കാലിക്കറ്റ് വിദ്യാര്‍ഥി യൂണിയന്റെ പുതിയ ചെയര്‍പേഴ്‌സണ്‍. പുറമണ്ണൂര്‍ മജ്‌ലിസിലെ മുഹമ്മദ് സഫ് വാന്‍ (എം.എസ്.എഫ്) ആണ് ജനറല്‍ സെക്രട്ടറി, വൈസ്. ചെയര്‍പേഴ്‌സണ്‍ സ്ഥാനത്തേക്ക് എം.എസ്.എഫിന്റെ ഹര്‍ഷാദ് പി.കെയും, ഷബ്‌ന കെ.ടിയും വിജയിച്ചു. എല്ലാ ജനറല്‍ സീറ്റുകളും എം.എസ്.എഫ്, കെ.എസ്.യു സഖ്യം സ്വന്തമാക്കി.