തിരുവനന്തപുരം: ബാര്‍ കോഴ വിവാദത്തില്‍ തിരുവഞ്ചൂര്‍ രാധാകൃഷ്ണന്റെ മകന്‍ അര്‍ജുന്‍ രാധാകൃഷ്ണന് ക്രൈംബ്രാഞ്ച് നോട്ടിസ്. വെള്ളിയാഴ്ച തിരുവനന്തപുരം ജവഹര്‍ നഗര്‍ ഓഫിസില്‍ എത്തണമെന്നാണ് നോട്ടിസ് അയച്ചിരിക്കുന്നത്. ബാറുടമകളുടെ വാട്‌സ്ആപ്പ് ഗ്രൂപ്പ് അഡ്മിന്‍ അര്‍ജുന്‍ രാധാകൃഷ്ണന്‍ ആയിരുന്നെന്ന് ക്രൈംബ്രാഞ്ച് കണ്ടെത്തിയിരുന്നു. നിലവില്‍ അഡ്മിന്‍ അല്ലെങ്കിലും ഗ്രൂപ്പിലുണ്ട്. പിന്നാലെയാണ് നടപടിയെടുക്കാന്‍ തീരുമാനിച്ചത്. നോട്ടിസ് നേരിട്ട് കൈപ്പറ്റാന്‍ തയ്യാറാലവാത്തതിനെ തുടര്‍ന്ന് ഇമെയില്‍ വഴി അയക്കുകയായിരുന്നു. 

അതേസമയം, സര്‍ക്കാറിന്റേത് ചീപ്പ് നടപടിയെന്നാണ് തിരുവഞ്ചുരിന്റെ മകന്‍ അര്‍ജുന്‍ രാധാകൃഷ്ണന്‍ പ്രതികരിച്ചത്. താന്‍ ഒരു അസോസിയെഷനിലും അംഗമല്ലെന്നും ഇല്ലാത്ത കാര്യത്തില്‍ പിടിച്ചിടാനാണ് ശ്രമമെന്നും അദ്ദേഹം ചൂണ്ടിക്കാട്ടി. താന്‍ ബാറുടമകളുടെ വാട്‌സ്ആപ്പ് ഗ്രൂപ്പില്‍ അംഗമല്ല.അസോസിയേഷന്‍ യോഗങ്ങളില്‍ പങ്കെടുത്തിട്ടുമില്ല. തനിക്ക് നോട്ടിസ് അയച്ച് വിവാദം വഴി തിരിച്ച് വിടാനാണ് സര്‍ക്കാറിന്റെ നീക്കമെന്നും അദ്ദേഹം കുറ്റപ്പെടുത്തി.