അബൂദബി: അബൂദബിയില്‍ കോണിപ്പടിയില്‍ നിന്നു തെന്നിവീണ് വിദ്യാര്‍ഥി മരിച്ചു. അബൂദബി സര്‍വകലാശാലയിലെ റിസര്‍ച്ചറും പൊതുപ്രവര്‍ത്തകനുമായ കണ്ണൂര്‍ മാടായി പുതിയങ്ങാടിയിലെ ഡോ. മുഹമ്മദ് റാസിഖിന്റെ മകനും ബിരുദ വിദ്യാര്‍ഥിയുമായ അമന്‍ റാസിഖ് ആണ് മരിച്ചത്. ചൊവ്വാഴ്ച രാവിലെയായിരുന്നു സംഭവം. ഉടന്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മാതാവ്: കെ.സി ഫാത്തിബി. സഹോദരങ്ങള്‍: റോഷന്‍, റൈഹാന്‍. നടപടി ക്രമങ്ങള്‍ക്കു ശേഷം മൃതദേഹം നാട്ടിലെത്തിക്കുമെന്നു ബന്ധുക്കള്‍ അറിയിച്ചു.