കല്‍പ്പറ്റ: പൊതു വിദ്യാഭ്യാസ വകുപ്പിന്റെ ഈ വര്‍ഷത്തെ സംസ്ഥാനതല സംസ്‌കൃത ദിനാചരണത്തിന്റെ ഭാഗമായി അധ്യാപകര്‍ക്കായി സംസ്ഥാനതലത്തില്‍ സംഘടിപ്പിച്ച രചനാമത്സരങ്ങളില്‍ ജില്ലക്ക് മികച്ച നേട്ടം. എം.ഡി ദിലീപ് (ഗവ.യു.പി സ്‌കൂള്‍ കാരച്ചാല്‍) ഉപന്യാസ രചന ഒന്നാം സ്ഥാനം, എം.ബി ഹരികുമാര്‍ (സെന്റ് ജോസഫ്‌സ് ഹയര്‍ സെക്കന്‍ഡറി സ്‌കൂള്‍ കല്ലോടി) സമസ്യാപൂരണം രണ്ടാം സ്ഥാനം, ഉപന്യാസരചന മൂന്നാം സ്ഥാനം, എം രാജേന്ദ്രന്‍ (ഗവ. ഹയര്‍ സെക്കന്‍ഡറി സ്‌കൂള്‍ മീനങ്ങാടി) കഥാരചന  രണ്ടാം സ്ഥാനം എന്നിവരാണ് മികച്ച നേട്ടം കൈവരിച്ചത്.
കണ്ണൂരില്‍ നടന്ന സംസ്ഥാനതല സംസ്‌കൃത ദിനാചരണ സമ്മേളനത്തില്‍ പൊതു വിദ്യാഭ്യാസ അഡീഷണല്‍ ഡയറക്ടര്‍ ജെസ്സി ജോസഫില്‍ നിന്നും ഉപഹാരം ഏറ്റുവാങ്ങി.