HOME
DETAILS

ക്ഷേമപെന്‍ഷന്‍ വര്‍ധിപ്പിക്കും; കുടിശ്ശിക രണ്ടു ഘട്ടമായി കൊടുത്തു തീര്‍ക്കും -മുഖ്യമന്ത്രി 

  
Web Desk
July 10 2024 | 08:07 AM

welfare-pension-will-be-increased-the-dues-will-be-settled-chief-minister-

തിരുവനന്തപുരം: സംസ്ഥാനത്തെ ക്ഷേമപെന്‍ഷന്‍ വര്‍ധിപ്പിക്കാന്‍ സര്‍ക്കാരിന് പദ്ധതിയുണ്ടെന്ന് മുഖ്യമന്ത്രി പിണറായി വിജയന്‍ സഭയില്‍. കുടിശ്ശിക രണ്ട് ഘട്ടമായി പൂര്‍ണമായും കൊടുത്തു വീട്ടുമെന്നും മുഖ്യമന്ത്രി അറിയിച്ചു. 

'ക്ഷേമ പെന്‍ഷന്‍ ആനുകൂല്യങ്ങളുടെ അഞ്ചു ഗഡു കുടിശ്ശികയുണ്ട്. സമയബന്ധിതമായി പെന്‍ഷന്‍ കുടിശ്ശിക കൊടുത്തു തീര്‍ക്കും. കുടിശ്ശികയുള്ള രണ്ട് ഗഡു 2024-25 സാമ്പത്തിക വര്‍ഷം വിതരണം ചെയ്യും. 2025-26 സാമ്പത്തിക വര്‍ഷം മൂന്നുഗഡുവും വിതരണം ചെയ്യും' മുഖ്യമന്ത്രി പറഞ്ഞു. കാരുണ്യ സപ്ലൈക്കോ കുടിശ്ശികകളും കൊടുത്തു തീര്‍ക്കുമെന്നും മുഖ്യമന്ത്രി കൂട്ടിച്ചേര്‍ത്തു. 

കാരുണ്യ മരുന്ന് വിതരണം, നെല്ല് സംഭരണം എന്നിവയിലെ കുടിസ്ശിക ഈ സാമ്പത്തിക വര്‍ഷം തന്നെ കൊടുത്തു തീര്‍ക്കും. സര്‍ക്കാര്‍ ജീവനക്കാരുടെ ഡി.എ കുടിശ്ശിക കൊടുത്ത് തീര്‍ക്കാന്‍ ഉത്തരവിറക്കും. ഓരോ സാമ്പത്തിക വര്‍ഷവും രണ്ട് വീതം കുടിശ്ശിക സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും നല്‍കുമെന്നും മുഖ്യമന്ത്രി വ്യക്തമാക്കി. 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."