ഏപ്രിലിലെ മഴക്കെടുതിയില്‍ വീടുകള്‍ നശിച്ചവര്‍ക്കുള്ള നഷ്ടപരിഹാരം 50000 ദിര്‍ഹമാക്കണമെന്ന് ഷാര്‍ജ ഭരണാധികാരി ഇന്ന് പ്രഖ്യാപിച്ചു. ഷാര്‍ജ സര്‍ക്കാര്‍ ബ്യൂറോയുടെ കണക്കനുസരിച്ച് 618 കേസുകള്‍ ഇതുവരെ നഷ്ടപരിഹാരത്തുകയില്‍ നിന്ന് പ്രയോജനം നേടിയിട്ടുണ്ടെന്ന് പറയപ്പെടുന്നു. 

നഷ്ടപരിഹാരത്തിനായി 15,330,000 ദിര്‍ഹം ഷെയ്ഖ് ഡോ സുല്‍ത്താന്‍ ബിന്‍ ഖാസിമി അംഗീകരിച്ചു. തുക എത്രയും വേഗം ഗുണഭോക്താക്താക്കളിലേക്ക് എത്തിക്കണമെന്ന് ഭരണാധികാരി ഷാര്‍ജ സാമൂഹിക സേവന വകുപ്പിന് നിര്‍ദ്ദേശം നല്‍കി. ഭരണാധികാരിയുടെ നിര്‍ദ്ദേശപ്രകാരം ഏപ്രിലില്‍ ഭാവി സാഹചര്യങ്ങള്‍ക്കായിട്ടുള്ള സജീവ പദ്ധതികള്‍  തയ്യാറാക്കുന്നതിനായി ഷാര്‍ജ എക്‌സിക്യൂട്ടിവ് കൗണ്‍സില്‍ സുരക്ഷാ നടപടികള്‍ വര്‍ദ്ധിപ്പിച്ചിരുന്നു. 

മഴക്കെടുതിയില്‍ ദുരിതമനുഭവിക്കുന്ന വീട്ടുകാര്‍ക്ക് ഷാര്‍ജ ഡിജിറ്റല്‍ പ്ലാറ്റ്‌ഫോം വഴി അപേക്ഷിച്ച്, നാശനഷ്ടങ്ങളുടെ വ്യാപ്തി  തെളിയിക്കുന്ന ഒരു റിപ്പോര്‍ട്ട് സമര്‍പ്പിക്കുക വഴി നഷ്ടപരിഹാരം നേടിയെടുക്കാന്‍ സാധിക്കും.മഴക്കെടുതിയില്‍ ദുരിതമനുഭവിച്ചവര്‍ക്ക് ഷാര്‍ജ ഭരണാധികാരിയുടെ തീരുമാനം വലിയൊരു ആശ്രയമായിമാറുമെന്നുറപ്പാണ്.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക