വിദ്യാർത്ഥികളെ ഒന്നടങ്കം ആകർഷിക്കുന്ന പ്രശസ്തമായ നിരവധി സർവ്വകലാശാലകളുടെ ആസ്ഥാനമാണ് യുണൈറ്റഡ് കിംഗ്ഡം. അക്കാദമിക് മികവ്, ഗവേഷണ സൗകര്യങ്ങൾ, ഇൻഫ്രാസ്ട്രക്ചർ, നെറ്റ്‌വർക്കിംഗ് അവസരങ്ങൾ എന്നീ മികവുകളാൽ ഇന്ത്യയിൽ നിന്നുള്ള വിദ്യാർഥികൾ വിദേശ പഠനത്തിനായി തിരഞ്ഞെടുക്കുന്ന രാജ്യങ്ങളിൽ യു.കെയിലെ സർവ്വകലാശാലകൾ എന്നും മുൻപന്തിയിൽ നിൽക്കുന്നു. 

QS 2024 വേൾഡ് യൂണിവേഴ്സിറ്റി റാങ്കിംഗ് ലിസ്റ്റിലുള്ള  യുകെയിലെ മികച്ച 6 സർവ്വകലാശാലകളേതെന്നറിയാം

1. ഇംപീരിയൽ കോളേജ് ലണ്ടൻ

വിദ്യാർത്ഥികൾക്ക് അത്യാധുനിക ഗവേഷണ പാഠ്യപദ്ധതികള്‍ വാഗ്ദാനം ചെയ്യുന്ന ലണ്ടനിലെ ഇംപീരിയൽ കോളേജ് പ്രധാനമായും 
സയൻസ്, മെഡിസിൻ, ടെക്നോളജി, ബിസിനസ്സ് എന്നിവയിൽ ശ്രദ്ധ കേന്ദ്രീകരിക്കുന്നു. 

ഇംപീരിയലിൽ സ്വീകാര്യത നിരക്ക് 27% മുതൽ 36% വരെയാണ്. ഇതേ റാങ്കിംഗിൽ, ഓക്‌സ്‌ഫോർഡിനും കേംബ്രിഡ്ജിനും പിന്നിൽ യുണൈറ്റഡ് കിംഗ്‌ഡത്തിൽ ഇംപീരിയൽ 3-ആം സ്ഥാനത്താണ്. ഇത് ഇംപീരിയലിനെ ഉയർന്ന മത്സരാധിഷ്ഠിത സർവ്വകലാശാലയാക്കി മാറ്റുന്നു.

2. ഓക്സ്ഫോർഡ് യൂണിവേഴ്സിറ്റി

ഓക്‌സ്‌ഫോർഡ് യൂണിവേഴ്‌സിറ്റി അതിൻ്റെ വിദ്യാഭ്യാസ മികവുകളുടെ ഉയർന്ന നിലവാരം കാരണം യുകെയിലെ അക്കാദമിക് മിടുക്കിൻ്റെ കേന്ദ്രമായി കണക്കാക്കപ്പെടുന്നു. റിസർച്ച് എക്‌സലൻസ് ഫ്രെയിംവർക്ക് അനുസരിച്ച്, ലോകത്തിലെ ഏറ്റവും വലിയ ഗവേഷണത്തിൻ്റെ വോളിയം ഓക്‌സ്‌ഫോർഡിനാണ്. ഓക്സ്ഫോർഡിന് മൊത്തത്തിലുള്ള സ്വീകാര്യത നിരക്ക് 15% ആണ്. ഇത് കേംബ്രിഡ്ജ് സർവകലാശാലയ്ക്ക് തുല്യമായതാണ്.  അതേ സമയം, മറ്റൊരു ഉന്നത-അന്താരാഷ്ട്ര സ്ഥാപനമായ ഹാർവാർഡ് സർവകലാശാലയേക്കാൾ വളരെ ഉയർന്നതാണ് ഓക്സ്ഫോർഡിന്റെ സ്വീകാര്യത നിരക്ക്.

3. കേംബ്രിഡ്ജ് സർവകലാശാല

1209-ൽ സ്ഥാപിതമായ കേംബ്രിഡ്ജ് സർവ്വകലാശാല തുടർച്ചയായ പ്രവർത്തനത്തിൽ ലോകത്തിലെ മൂന്നാമത്തെ ഏറ്റവും പഴയ സർവ്വകലാശാലയാണ്. വിവിധതരം ബിരുദ, ബിരുദാനന്തര കോഴ്‌സുകൾ കാരണം പതിറ്റാണ്ടുകളായി ഇത് അന്തർദ്ദേശീയ വിദ്യാർത്ഥികൾക്കിടയിൽ ജനപ്രീതി സൃഷ്ട്ടിച്ചു കൊണ്ട് മുന്നേറുന്നു. ഇംഗ്ലണ്ടിലെ കേംബ്രിഡ്ജിലുള്ള ഒരു പൊതു കൊളീജിയറ്റ് ഗവേഷണ സർവ്വകലാശാലയാണ് കേംബ്രിഡ്ജ് സർവകലാശാല.
 

4. യൂണിവേഴ്സിറ്റി കോളേജ് ടി ലണ്ടൻ

യൂണിവേഴ്‌സിറ്റി കോളേജ് ലണ്ടൻ അതിൻ്റെ ഉയർന്ന നിലവാരത്തിനും വൈവിധ്യത്തെ ഉൾക്കൊള്ളാനും പേരുകേട്ടതാണ്. ഇത് ഗവേഷണത്തിന് അംഗീകാരം നേടുകയും അന്താരാഷ്ട്ര വിദ്യാർത്ഥികൾക്ക് നിരവധി സ്കോളർഷിപ്പുകൾ നൽകുകയും ചെയ്ന്നു.

യു.സി.എല്ലിന്റെ പ്രോഗ്രാമുകൾ വളരെ മത്സരാധിഷ്ഠിതമായാതാണ്, എല്ലാ ബിരുദാനന്തര കോഴ്‌സുകളിലും ഏകദേശം 38% ആണ് സ്വീകാര്യത നിരക്ക് വരുന്നത്. 5 അപേക്ഷകരിൽ ഒരാൾക്ക് മാത്രമേ ഓഫർ ലഭിക്കുകയുള്ളു. എം എ ലാൻഡ്‌സ്‌കേപ്പ് ആർക്കിടെക്ചർ, എം എസ്‌ സി ഡാറ്റ സയൻസ്, എം എസ്‌ സി കമ്പ്യൂട്ടർ സയൻസ് തുടങ്ങിയ കോഴ്‌സുകൾ 8%-ൽ താഴെയാണ് നിരക്കുകൾ വാഗ്ദാനം ചെയ്യുന്നത്. 

5. എഡിൻബർഗ് സർവകലാശാല

എഡിൻബർഗ് സർവകലാശാലയുടെ അക്കാദമിക് ഘടന മൂന്ന് കോളേജുകളിലായിയാണ് നിർമ്മിച്ചിരിക്കുന്നത്, അതിൽ 21 സ്കൂളുകൾ അടങ്ങിയിരിക്കുന്നു. മികച്ച ഗവേഷണ ഫലങ്ങൾ കാരണം ഇത് യൂറോപ്യൻ റിസർച്ച് യൂണിവേഴ്സിറ്റികളുടെ ലീഗിലെ അഭിമാനകരമായ അംഗമാണ്. നിരവധി പ്രമുഖ കെട്ടിടങ്ങളുള്ള സർവകലാശാല, സ്കോട്ടിഷ് നിയമത്തിൻ്റെയും വൈദ്യശാസ്ത്രത്തിൻ്റെയും കേന്ദ്രമായി അറിയപ്പെടുന്നു.

6. യൂണിവേഴ്സിറ്റി ഓഫ് മാഞ്ചസ്റ്റർ

ഇംഗ്ലണ്ടിലെ മാഞ്ചസ്റ്ററിലെ ഒരു പൊതു ഗവേഷണ സർവ്വകലാശാലയാണ് മാഞ്ചസ്റ്റർ സർവകലാശാല.
ബ്രിട്ടീഷ് ദ്വീപുകളിലെ ഏറ്റവും മികച്ച പൊതു ഗവേഷണ സർവ്വകലാശാലകളിലൊന്നാണ് മാഞ്ചസ്റ്റർ സർവകലാശാല. 94% തൊഴിൽ നിരക്കുള്ള 2017 QS ഗ്രാജ്വേറ്റ് എംപ്ലോയബിലിറ്റി റാങ്കിംഗിൽ ഇത് 35-ാം സ്ഥാനത്താണ്.

വിദ്യാഭ്യാസ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

content highlight : Study Abroad Aims: Top 6 Universities in UK