തിരുവനന്തപുരം: നാലുവര്‍ഷ ബിരുദ പരീക്ഷ ഫീസ് വര്‍ധിപ്പിച്ച തീരുമാനം പുനഃപരിശോധിക്കാന്‍ നിര്‍ദേശം നല്‍കി ഉന്നത വിദ്യാഭ്യാസ മന്ത്രി ആര്‍ ബിന്ദു. വര്‍ധനവ് പഠിക്കാന്‍ സര്‍വകലാശാല തലത്തില്‍ സമിതി രൂപീകരിച്ച് പഠനം നടത്താനും, റിപ്പോര്‍ട്ട് സമര്‍പ്പിക്കാനും മന്ത്രി നിര്‍ദേശിച്ചു. വിസിമാരുടെയും, രജിസ്ട്രാര്‍മാരുടെയും യോഗത്തിലാണ് മന്ത്രി ഇക്കാര്യം അറിയിച്ചത്. 

ഫീസ് വര്‍ധനയുമായി ബന്ധപ്പെട്ട് ഒരാഴ്ച്ചക്കുള്ളില്‍ നിര്‍ദേശം സമര്‍പ്പിക്കാന്‍ രജിസ്ട്രാര്‍മാരോട് ആവശ്യപ്പെട്ടിട്ടുണ്ട്. അതത് യൂണിവേഴ്‌സിറ്റികളില്‍ ചര്‍ച്ച നടത്തി തീരുമാനിക്കും. റിപ്പോര്‍ട്ട് ലഭിച്ച ശേഷം തുടര്‍നടപടി സ്വീകരിക്കുമെന്നും മന്ത്രി അറിയിച്ചു. അടുത്ത സെമസ്റ്റര്‍ മുതല്‍ സര്‍ക്കാര്‍ നിര്‍ദേശപ്രകാരം മാത്രമേ ഫീസ് നിശ്ചയിക്കാവൂവെന്നും മന്ത്രി ആര്‍ ബിന്ദു നിര്‍ദേശിച്ചിട്ടുണ്ട്. 

r bindhu directed to review the increase in four-year degree examination fees