പാലക്കാട്: പാലക്കാട് ചിറ്റൂര്‍ പുഴയുടെ നടുവില്‍ കുടുങ്ങിയ രണ്ടു കുട്ടികളേ രക്ഷപ്പെടുത്തി. അപകട വിവരം അറിഞ്ഞെത്തിയ ഫയര്‍ഫോഴ്‌സും പൊലീസും ചേര്‍ന്നാണ് കുട്ടികളെ രക്ഷിച്ചത്. മൂന്നു പേരാണ് ചിറ്റൂര്‍ പുഴയില്‍ ഇറങ്ങിയത്. വെള്ളം ഉയരാന്‍ തുടങ്ങിയതോടെ ഇതില്‍ ഒരാള്‍ നീന്തി രക്ഷപ്പെട്ടിരുന്നു. മീന്‍ പിടിക്കാനിറങ്ങിയപ്പോഴാണ് കുട്ടികള്‍ പുഴയുടെ നടുവില്‍ പെട്ടത്. 

കഴിഞ്ഞ ദിവസം അപകടമുണ്ടായ അതേ സ്ഥലത്താണ് കുട്ടികള്‍ കുടുങ്ങിയിരുന്നത്. ഫയര്‍ഫോഴ്‌സിന്റെ സമയോചിതമായ ഇടപെടലിലാണ് കുട്ടികളെ രക്ഷപ്പെട്ടത്. നീളന്‍ ഏണിവെച്ചുകൊണ്ടാണ് ഫയര്‍ഫോഴ്‌സ് കുട്ടികളെ രക്ഷിച്ചത്.