വാഹനപ്രേമികളായ പലരുടെയും ഇഷ്ട്ട വാഹനമാണ് ഥാർ. ഇന്ത്യൻ റോഡുകളിൽ സെലിബ്രറ്റികൾ മുതൽ സാധാരണക്കാർ വരെ കൊണ്ട് നടക്കുന്ന ഥാറിനെ, ഓഫ്‌ റോഡ് കിംഗ് എന്ന് വിശേഷിപ്പിക്കുന്നു. ഫോർ ഇന്റു ഫോർ സ്റ്റീയറിങ് കോൺട്രോളോട് കൂടി നിരപ്പല്ലാത്ത പ്രദേശങ്ങളിൽ   ശക്തമായുദിച്ചു കയറാനാവുന്ന മഹീന്ദ്രയുടെ ഏറ്റുവും മികച്ച സൃഷ്ടികളിൽ ഒന്നായ ഥാർ, അതിന്റെ ഏറ്റുവും പുതിയ മോഡൽ ആഗസ്റ്റ് 15-ന് വിപണിയിലിറക്കുകയാണ്.
​ 

പുതിയ മഹീന്ദ്ര ഥാർ 5-ഡോർ മോഡലിന്റെ സവിശേഷതകൾ;

 ത്രീ-ഡോർ മോഡലിനെ സംബന്ധിച്ചു പുതിയ മഹീന്ദ്രയുടെ ഥാർ റോക്സിന് 5-ഡോർ സംവിധാനമാണ് ഒരുക്കിയിരിക്കുന്നത്. ഇത് തന്നെയാണ് ഏറ്റുവുമാദ്യം എടുത്തു പറയപ്പെടുന്ന സവിശേഷത. കാഴ്ച്ചക്കാരുടെ ശ്രദ്ധ ആകർഷിക്കുന്നതിനായി സ്ലാട്ടഡ് ഗ്രിൽ നിറമാണ് പുതിയ ഥാറിനൊരുക്കിയിരിക്കുന്നത്. സി-മോട്ടിഫ് പുതിയ എൽ.ഇ.ഡി ഡി.ആർ.എൽ ഹെഡ്‌ലൈറ്റുകളിലാണ് മറ്റൊരു നവീകരണം കൊണ്ട് വന്നത്. ഥാർ 3-ഡോറിൻ്റെ ഓൾ-ബ്ലാക്ക് ഫിനിഷിൽ നിന്ന് വ്യത്യസ്തമായി ബമ്പറുകൾക്ക് ഇപ്പോൾ ഒരു കോൺട്രാസ്റ്റിംഗ് സിൽവർ ഫിനിഷും നൽകിയിട്ടുണ്ട്.

ഓഫ്-റോഡറിന് പ്രീമിയം ലുക്ക് നൽകുന്ന പുതിയ 18 ഇഞ്ച് വരുന്ന ഡ്യുവൽ ടോൺ അലോയ്കളാണ് പുതിയ ഥാറിന്റെത്. വ്യക്തമായും ഥാറിന് നൽകിയ ഏറ്റവും വലിയ അപ്‌ഡേറ്റുകളിൽ മറ്റൊന്ന്, നീളമേറിയ വീൽബേസും പിൻ സീറ്റുകളിലേക്ക് പ്രവേശിക്കുന്നതിനായുള്ള പുതിയ ഡോറുകളുമാണ്. ഥാർ 3-ഡോറിൻ്റെ വൃത്താകൃതിയിൽ നിന്ന് വ്യത്യസ്തമായി പിൻ വീൽ ആർച്ചുകൾ ചതുരാകൃതിയിലായിയാണ് പുതിയ മോഡലിൽ ഘടിപ്പിച്ചിരിക്കുന്നത്. പിന്നിൽ സി-മോട്ടിഫുള്ള പുതിയ എൽ.ഇ.ഡി ടെയിൽ ലാമ്പുകലാണ് വാഹനത്തിന് നൽകിയിരിക്കുന്നത്. ഇതിനുപുറമെ, പുതിയ സ്പെയർ വീൽ കവറും ലഭിക്കുമെന്ന് മുൻ സ്പൈ ഷോട്ടുകൾ സൂചന നൽകിയിട്ടുണ്ട്. 

ഥാറിന്റ ഓൺബോർഡ് ഫീച്ചറുകൾ;

മൊത്തത്തിലുള്ള ഡാഷ്‌ബോർഡ് ലേഔട്ട്, ഥാർ 3-ഡോറിന് സമാനമായത് തന്നെയാണ് പുതിയ മോഡലിലും ഒരുക്കിയത്. ഥാർ റോക്സിന്റെ സ്പൈ ഷോട്ടുകൾ കാണിക്കുന്നുണ്ടെങ്കിലും, മികച്ച അനുഭവത്തിനായി ചാര നിറമുള്ള അപ്ഹോൾസ്റ്ററി (സീറ്റിംഗ് കുഷ്യൻസ്‌) ആയിരിക്കും നൽകുക. കൂടാതെ, 10.25 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയുള്ള 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, പനോരമിക് സൺറൂഫ്, പുഷ് ബട്ടൺ സ്റ്റാർട്ടോടു കൂടിയ കീലെസ് എൻട്രി, 360-ഡിഗ്രി ക്യാമറ സർവൈലൻസും, ഒപ്പം യാത്രക്കാരുടെ ജീവൻ സുരക്ഷ ഉറപ്പു വരുത്തുന്നതിനായുള്ള ആറ് എയർബാഗുകൾ, ഇ.ബി.ഡിയുള്ള എ ബി എസ് ബ്രേക്കിംഗ് ഫങ്ക്ഷനുകൾ, ഫ്രണ്ട് ആൻഡ് റിയർ പാർക്കിംഗ് സെൻസറുകൾ, ഇലക്ട്രോണിക് സ്റ്റെബിലിറ്റി കൺട്രോളുകൾ എന്നിങ്ങനെയുള്ള പ്രീമിയം ഫീച്ചറുകളും ഇതിലടങ്ങുന്നു.

എഞ്ചിൻ ഓപ്ഷനുകൾ;

3-ഡോർ മോഡലിന് 132 PS 2.2-ലിറ്റർ ഡീസൽ, എങ്ങിനെ ഓപ്ഷനുകളാണ് നൽകിയതെങ്കിൽ 150 PS 2-ലിറ്റർ ടർബോ-പെട്രോൾ എഞ്ചിൻ ഓപ്ഷനാണ് 6 -ഡോർ ഥാർ റോക്സ് വാഗ്ദാനം ചെയ്യുന്നത്, കൂടുതൽ ശക്തിയോടെ. 6-സ്പീഡ് മാനുവൽ, ടോർക്ക് കൺവെർട്ടർ ഓട്ടോമാറ്റിക് ട്രാൻസ്മിഷനുകളും ഇതിൽ അടങ്ങുമെന്ന് പ്രതീക്ഷിക്കാം. താർ റോക്‌സിന് റിയർ-വീൽ, ഓൾ-വീൽ ഡ്രൈവ് ഓപ്ഷനുകളും ലഭിക്കും. 

പ്രതീക്ഷിക്കാവുന്ന ഷോറൂം വില; 

പുതിയ മഹീന്ദ്ര ഥാർ റോക്സിന് ഏകദേശം ഷോറൂം വില 15 ലക്ഷം രൂപ മുതലാണ് പ്രതീക്ഷിക്കുന്നത്. ഇത് ഫോഴ്‌സ് ഗൂർഖ 5-ഡോർ വാഹനത്തിനും, മാരുതി സുസുക്കിയുടെ ജിംനിക്കും ഒത്ത എതിരാളിയായിരിക്കും എന്ന് വാഹന വിദഗ്ദ്ധർ വിലയിരുത്തുന്നു.