കുവൈത്ത് സിറ്റി: കുവൈത്തിലെ മുത്‌ല പ്രദേശത്തെ നിരോധിത മേഖലയിൽ മൊബൈല്‍ ഫോണില്‍ വീഡിയോ ചിത്രീകരണം നടത്തിയ രണ്ട് പ്രവാസികളെ പിടികൂടി. ഈ രണ്ടുപേരില്‍ ഒരാള്‍ക്ക് മുത്‌ല പ്രദേശത്തെ നിയന്ത്രിത മേഖലയിൽ പ്രവേശിക്കാനുള്ള പാസുണ്ടായിരുന്നു. ഇയാള്‍ സുഹൃത്തിനെയും ഒപ്പം കൂട്ടുകയായിരുന്നു. സുഹൃത്താണ്  വീഡിയോ ചിത്രീകരിച്ചത്.

വീഡിയോ ചിത്രീകരണം ശ്രദ്ധയിൽപ്പെട്ട സുരക്ഷാ ഉദ്യോഗസ്ഥര്‍ ഇക്കാര്യം ആഭ്യന്തര മന്ത്രാലയത്തിന് റിപ്പോർട്ട് ചെയ്യുകയും തുടർന്ന് പ്രവാസികളെ കസ്റ്റഡിയിൽ എടുക്കുകയായിരുന്നു. അവരുടെ മൊബൈൽ ഫോണുകൾ പിടിച്ചെടുത്തിട്ടുണ്ട്. നിരോധിത പ്രദേശത്ത് അനധികൃതമായി പ്രവേശിച്ചതിനും ചിത്രീകരണം നടത്തിയതിനും അന്വേഷണം നടത്തിവരികയാണ്.\

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക