പാരിസ്: ടോക്യോയിലേറ്റ തിരിച്ചടിക്ക് അതേ നാണയത്തിൽ മധുരപ്രതികാരം ചെയ്ത് മനു ഭക്കർ. ടോക്യോയിൽ നടന്ന ഒളിംപിക്‌സിൽ ഇന്ത്യക്ക് ഏറ്റവും കൂടുതൽ മെഡൽ പ്രതീക്ഷയുണ്ടായിരുന്ന താരമായിരുന്നു മനു ഭക്കർ. എന്നാൽ ഫൈനൽ മത്സരത്തിൽ പിസ്റ്റൾ കേടായതിനെ തുടർന്ന് ഫൈനലിൽ വേണ്ടത്ര മികച്ച പ്രകടനം പുറത്തെടുക്കാൻ താരത്തിന് കഴിഞ്ഞിരുന്നില്ല. ഇന്നലെ വനിതകളുടെ 10 മീറ്റർ എയർ പിസ്റ്റളിൽ വെങ്കലമാണ് മനു ഭാക്കർ വെടിവച്ചിട്ടത്. ഷൂട്ടിങ്ങിൽ മെഡൽ നേടുന്ന ആദ്യ ഇന്ത്യൻ വനിതയെന്ന റെക്കോഡും ഇതോടെ 22കാരിയായ മനു ഭക്കർ സ്വന്തം പേരിൽ എഴുതിച്ചർത്തു.

രമിത ജിൻഡാൽ ഫൈനലിൽ

അനായാസം സിന്ധു

 പാരിസ് ഒളിംപിക്‌സിന്റെ ബാഡ്മിന്റണിൽ ഇന്ത്യൻ താരം പി.വി സിന്ധുവിന് മികച്ച തുടക്കം. ഇന്നലെ നടന്ന വനിതാ സിംഗിൾസിലെ ആദ്യ മത്സരത്തിൽ മാലിദ്വീപ് താരം ഫാത്തിമത് അബ്ദുൽ റസാഖിനെയാണ് സിന്ധു പരാജയപ്പെടുത്തിയത്. നേരിട്ടുള്ള സെറ്റുകൾക്കായിരുന്നു സിന്ധുവിന്റെ ജയം. സ്‌കോർ: 21-9 21-6. 29 മിനുട്ട് മാത്രം നീണ്ടുനിന്ന മത്സരത്തിന്റെ ഒരുഘട്ടത്തിൽ പോലും എതിരാളിയിൽനിന്ന് സിന്ധുവിന് വെല്ലുവിളി ഏൽക്കേണ്ടി വന്നില്ല. മെഡൽ പ്രതീക്ഷയുള്ള സിന്ധു ഗ്രൂപ്പിലെ അടുത്ത മത്സരത്തിൽ എസ്‌തോണിയയുടെ ക്രിസ്റ്റിൻ കൂബയെ നേരിടും.

ശരത് കമൽ പുറത്ത്

ഒളിംപിക്‌സിൽ ഇന്ത്യയുടെ പതാക വാഹകനായിരുന്ന ശരത് കമൽ പുരുഷ വിഭാഗം ടേബിൾ ടെന്നിസിൽനിന്ന് പുറത്ത്. ഇന്ത്യയുടെ മെഡൽ പ്രതീക്ഷയായിരുന്ന ശരത് കമൽ സ്ലോവേനിയൻ താരം ഡെനി കൊസുലിനോട് 2-4നാണ് തോൽവി വഴങ്ങിയത്. ലോക റാങ്കിങ്ങിൽ 126ാമതുള്ള ഡെനിയോടായാരുന്നു റാങ്കിങ്ങിൽ 43ാം സ്ഥാനത്തുള്ള കമൽ തോൽവി വഴങ്ങിയത്. കഴിഞ്ഞ വർഷം കൊറിയയിൽ നടന്ന ഏഷ്യൻ ചാംപ്യൻഷിപ്പിൽ താരം വെങ്കലം നേടിയിരുന്നു. 2022 കോമൺവെൽത്ത് ഗെയിംസിൽ പുരുഷ സിംഗിൾസ്, പുരുഷ ടീമിനം, മിക്‌സഡ് ഡബിൾസ് എന്നിവയിൽ ഇന്ത്യയ്ക്കായി സ്വർണം സ്വന്തമാക്കിയായിരുന്നു കമൽ എത്തിയത്. എന്നാൽ ഈ പ്രകടനം പാരിസിൽ തുടരാൻ താരത്തിന് കഴിഞ്ഞില്ല. എന്നാൽ വനിതാ വിഭാഗത്തിൽ മത്സരിച്ച രണ്ട് താരങ്ങൾ രണ്ടാം റൗണ്ടിൽ പ്രവേശിച്ചു. ബ്രിട്ടൻ താരം അന്ന ഹർസിയെ തോൽപിച്ച് മനിക ബത്രയാണ് ആദ്യം രണ്ടാം റൗണ്ട് ഉറപ്പിച്ചത്. 4-1 എന്ന സ്‌കോറിനായിരുന്നു ബത്രയുടെ ജയം. മറ്റൊരു മത്സരത്തിൽ ശ്രീജ അകുലയും രണ്ടാം റൗണ്ടിൽ പ്രവേശിച്ചു. സ്വീഡിഷ് താരം ക്രിസ്റ്റിന കൽബർഗിനെയാണ് ശ്രീജ തോൽപിച്ചത്. 4-0ത്തിനായിരുന്നു ഇന്ത്യൻ താരത്തിന്റെ ജയം.

അമ്പെയ്ത്തിലും നീന്തലിലും നിരാശ

മെഡൽ പ്രതീക്ഷയുണ്ടായിരുന്ന അമ്പെയ്ത്തിൽ ഇന്ത്യക്ക് നിരാശ. ഇന്നലെ നടന്ന ടീം വനിതാ ടീം മത്സരത്തിൽ നെതർലൻഡ്‌സിനോട് 6-0ത്തിനായിരുന്നു ഇന്ത്യൻ തോറ്റത്. ദീപിക കുമാരി ഉൾപ്പെടുന്ന ടീമിന് ഒരുഘട്ടത്തിൽ പോലും നെതർലൻഡ്‌സിന് വെല്ലുവിളി ഉയർത്താൻ കഴിഞ്ഞില്ല. അങ്കിത ഭഗത്, ഭാജൻ കൗർ, ദീപിക കുമാരി എന്നിവരായിരുന്നു ഇന്ത്യക്കായി മത്സരിച്ചത്.

 ഇന്നലെ നീന്തലിൽ മത്സരിച്ച രണ്ട് ഇന്ത്യൻ താരങ്ങൾക്കും സെമിയിലെത്താനായില്ല. വനിതകളുടെ 200 മീറ്റർ ഫ്രീ സ്റ്റൈലിൽ മത്സരിച്ച ദിനിത ദേസിങ്കു സെമി ഫൈനൽ കാണാതെ പുറത്തായി. ആദ്യ ഹീറ്റ്‌സിൽ ഒന്നാം സ്ഥാനത്ത് ഫിനിഷ് ചെയ്‌തെങ്കിലും താരത്തിന് പിന്നീട് മികവ് പുലർത്താനായില്ല. പുരുഷൻമാരുടെ 100 മീറ്റർ ബാക്‌സ്‌ട്രോക്കിൽ മത്സരിച്ച ശ്രീഹരി നടരാജിനും സെമി ഫൈനലിൽ പ്രവേശിക്കാൻ കഴിഞ്ഞില്ല. ശ്രീ ഹരി ആദ്യ ഹീറ്റ്‌സിൽ രണ്ടാമതെത്തിയെങ്കിലും പിന്നീട് നിറംമങ്ങുകയായിരുന്നു. 

• Manu Bhaker avenges her Tokyo Olympics setback by securing bronze in the 10m air pistol event at the Paris Olympics.
• Ramita Jindal in Finals: Ramita Jindal reached the finals in the women's 10m air rifle event, raising hopes for another medal for India.
• PV Sindhu's Strong Start: PV Sindhu began her badminton campaign with a decisive victory against Fatimath Abdul Razak from Maldives.
• Archery and Swimming Disappointments: Indian archers and swimmers faced setbacks, with the women's archery team losing to the Netherlands and Indian swimmers failing to reach the semifinals.