റിയാദ്: സഊദി അറേബ്യയിൽ ആളുകളുടെ ശരാശരി ആയുർദൈർഘ്യം ഗണ്യമായി ഉയർന്നതായി റിപ്പോർട്ട്. പുതിയ റിപ്പോർട്ട് അനുസരിച്ച് ശരാശരി പ്രായം 77.6 ആയാണ് ഉയർന്നിരിക്കുന്നു. 2016-ലെ കണക്കുകൾ അനുസരിച്ച് ഇത് 74 വയസായിരുന്നു. ‘ആരോഗ്യമേഖല പരിവർത്തന പരിപാടി’യുടെ വാർഷിക റിപ്പോർട്ടിലാണ് ഇക്കാര്യം പുറത്തുവിട്ടത്. സഊദി അറേബ്യയുടെ സമ്പൂർണ വികസന പദ്ധതിയായ ‘വിഷൻ 2030’ പ്രോഗ്രാമുകളിലെ പ്രധാന ലക്ഷ്യങ്ങളിൽ ഒന്നാണ് ആരോഗ്യ മേഖലയിലെ പരിവർത്തന പരിപാടി. ആരോഗ്യ രം​ഗത്തും, വൈദ്യശാസ്ത്ര രംഗത്തും തുടങ്ങിയവയിൽ രാജ്യം കൈവരിച്ച വമ്പിച്ച പുരോഗതിയിലൂടെയാണ് ഈ നേട്ടം കൈവിരിക്കാൻ സാധിച്ചത്.

രാജ്യത്തെ ജനങ്ങളുടെ ആരോഗ്യം മെച്ചപ്പെടുത്താൻ വിവിധ മേഖലകളിൽ സർക്കാർ നടത്തിയ ബഹുമുഖ പദ്ധതികൾ വിജയം കണ്ടതും സുപ്രധാന നേട്ടത്തിന് കാരണമായി വിലയിരുത്തുന്നു.സഊദി അറേബ്യയിലെ ആരോഗ്യമേഖലാ സ്ഥാപനങ്ങളുടെ സഹകരണവും കഠിന പ്രയത്നങ്ങളും രാജ്യത്തെ ശരാശരി ആയുർദൈർഘ്യ വർധനവിന് കാരണമായി.രാജ്യത്തെ ജനങ്ങളുടെ ജീവിതത്തിന്റെ എല്ലാ മേഖലകളിലും ആരോഗ്യ മെച്ചപ്പെടുത്താനുളള നയങ്ങൾ സ്വീകരിച്ചതും,ഭക്ഷണത്തിലെ ഉപ്പ് കുറക്കൽ,നടത്തം പോലുള്ള വ്യായാമ സംസ്കാരം പ്രോത്സാഹിപ്പിച്ചതും,പൊണ്ണത്തടി കുറക്കൽ,കലോറി വെളിപ്പെടുത്തൽ, എന്നിവയുൾപ്പെടെ ആരോഗ്യരംഗത്ത് കൃത്യമായെടുത്ത തീരുമാനങ്ങൾ പുരോഗതിക്ക് കാരണമായി വിലയിരുത്തുന്നു. ആരോഗ്യ സേവനങ്ങൾ മെച്ചപ്പെടുത്തുന്നതിനും ആരോഗ്യസുരക്ഷാ മുന്നൊരുക്കങ്ങൾ കാര്യക്ഷമാക്കുന്നതിനും ചെയ്യുന്ന സംവിധാനങ്ങളും വമ്പിച്ച നേട്ടങ്ങൾക്ക് കാരണമായി.

ഹോസ്പറ്റിലുകളിലെ ചികിത്സാസേവനങ്ങളിലുള്ള രോഗികളുടെ സംതൃപ്‍തി 2019ൽ 82.41ശതമാനത്തിൽനിന്ന് കഴിഞ്ഞ വർഷം 87.45 ശതമാനമായി പുരോ​ഗമിച്ചു. ആതുരസേവന രംഗത്തെ വളർച്ചയും, നഴ്‌സിങ് സേവനമേഖലയിലെ ഗണ്യമായ വർധനവും പുരോഗതിയും നേട്ടങ്ങളായി റിപ്പോർട്ടിൽ പറയുന്നു. സഊദിയിലെ താമസക്കാരുടെ വിവിധ പ്രദേശങ്ങളിൽ നടപ്പാക്കിയ അടിസ്ഥാന ആരോഗ്യസേവനങ്ങളുടെ കവറേജ് 96.41 ശതമാനമായി മാറിയതും വലിയ നേട്ടമാണ്. 

Huge increase in life expectancy in Saudi 

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക