കൊച്ചി: ശ്വാസകോശത്തില്‍ നിന്ന് കണ്ടെത്തി എടുത്തത് കോഴിക്കറിയിലുണ്ടായിരുന്ന എല്ല്. മൂന്നുവര്‍ഷമായി ശ്വസകോശസംബന്ധമായ ബുദ്ദിമുട്ടുകള്‍ കൊണ്ട് വലയുന്ന 62കാരന്റെ ശ്വാസകോശത്തില്‍ നിന്നാണ് കോഴിയുടെ എല്ലിന്‍ കഷണം നീക്കം ചെയ്തത്. ഇദ്ദേഹത്തിന് ഇടയ്ക്കിടെ പനിയും നീണ്ടു നില്‍ക്കുന്ന തരത്തിലുള്ള ചമയുമായും ശ്വാസതടസ്സവുമായിരുന്നു.

എക്‌സറേ എടുത്തപ്പോഴും സിടിസ്‌കാന്‍  ചെയ്തു നോക്കിയപ്പോഴും ശ്വാസകോശത്തില്‍ അന്യവസ്തുവുളളതായി കണ്ടെത്തിയിരുന്നു. ശ്വാസകോശത്തിന്റെ വലത്തേ നാളിയുടെ താഴ്ഭാഗത്താണ് എല്ല് കുടുങ്ങിയത്. 
ഇതിനു പുറമെ ദശവന്ന നിലയിലായിരുന്നു എല്ലിന്റെ ഭാഗമുണ്ടായിരുന്നത്. ഫ്‌ളക്‌സിബിള്‍ ബ്രോങ്കോസ്പി എന്ന രീതിയിലൂടെയാണ് എല്ലിന്‍ കഷണം കണ്ടെത്തിയത്. ദ്രവിച്ച് രണ്ടു ഭാഗങ്ങളായി മുറിഞ്ഞ അവസ്ഥയിലാണ് എല്ല് പുറത്തെടുത്തത്. രണ്ട് സെന്റിമീറ്റര്‍ നീളമുണ്ടായിരുന്നു. കൊച്ചിയിലെ സ്വകാര്യ ആശുപത്രിയിലാണ് സംഭവം.