ബംഗ്ലാദേശിലെ ആഭ്യന്തര കലാപത്തെ തുടർന്ന് ദുബൈ ആസ്ഥാനമായി പ്രവർത്തിക്കുന്ന എമിറേറ്റ്‌സ് ധാക്കയിലേക്കുള്ള വിമാനങ്ങൾ റദ്ദാക്കി. ഓഗസ്റ്റ് 5, 6 തീയതികളിലെ ഇനിപ്പറയുന്ന വിമാനങ്ങളാണ് റദ്ദാക്കിയത്.

EK587/ഓഗസ്റ്റ് 5 - ധാക്ക മുതൽ ദുബൈ വരെ
EK584/ഓഗസ്റ്റ് 5 - ദുബൈയിൽ നിന്ന് ധാക്കയിലേക്ക്
EK585/ഓഗസ്റ്റ് 6 - ധാക്ക മുതൽ ദുബൈ വരെ

ബം​ഗ്ലാദേശിലെ സ്ഥിതിഗതികൾ സൂക്ഷ്മമായി നിരീക്ഷിച്ചു വരികയാണെന്ന് എയർലൈൻസ് അറിയിച്ചു. എമിറേറ്റ്സിൽ നേരിട്ട് ബുക്ക് ചെയ്ത ഉപഭോക്താക്കൾക്ക് റീബുക്കിംഗ് ഓപ്ഷനുകൾക്കായി അവരുടെ പ്രാദേശിക ഓഫീസുമായി ബന്ധപ്പെടാം. ട്രാവൽ ഏജൻ്റുമാരുമായി ബുക്ക് ചെയ്തിട്ടുള്ളവർ ഇതര യാത്രാ ക്രമീകരണങ്ങൾക്കായി അവരുമായി ബന്ധപ്പെടണമെന്ന് എമിറേറ്റ്സ് അറിയിച്ചു.

ഫ്ലൈറ്റുകളെക്കുറിച്ചുള്ള ഏറ്റവും പുതിയ അപ്‌ഡേറ്റുകൾ ലഭിക്കുന്നതുവരെ ' ബുക്കിംഗ് നിയന്ത്രിക്കാൻ'  എയർലൈൻ ഉപഭോക്താക്കളോട് ആവിശ്യപ്പെട്ടു.

ബംഗ്ലാദേശിൽ ഞായറാഴ്ച നടന്ന വ്യാപകമായ പ്രതിഷേധത്തെത്തുടർന്ന് 100 ഓളം പേർ കൊല്ലപ്പെട്ടതിനെത്തുടർന്ന് 15 വർഷത്തെ ഭരണം അവസാനിപ്പിച്ച്  പ്രധാനമന്ത്രി ഷെയ്ഖ് ഹസീന രാജിവെച്ച് രാജ്യം വിട്ടിരുന്നു. യുഎഇയിലെ ബംഗ്ലാദേശി മിഷനുകൾ തങ്ങളുടെ സഹ പൗരന്മാരോട് "വളരെ സംയമനം" കാണിക്കാനും പ്രാദേശിക നിയമങ്ങൾ പാലിക്കാനും അറിയിപ്പ് നൽകി.

കഴിഞ്ഞ മാസം, മൂന്ന് ബംഗ്ലാദേശികൾക്ക് ജീവപര്യന്തം തടവിനും, 54 പേരെ  നാടുകടത്താനും വിധിച്ചു.അവരുടെ മാതൃരാജ്യത്ത് സർക്കാരിൽ സമ്മർദ്ദം ചെലുത്താൻ യുഎഇയിൽ കലാപത്തിന് പ്രേരിപ്പിച്ചതിനായിരുന്നു. 

Emirates has announced the cancellation of its flights to Dhaka in response to the ongoing civil unrest in Bangladesh. The decision comes amid heightened security concerns and instability caused by widespread protests and disruptions. The airline is prioritizing the safety of its passengers and crew, closely monitoring the situation, and will resume operations once conditions stabilize. Affected passengers are advised to contact Emirates for rebooking options and updates on flight statuses.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക