മസ്കത്ത് :വ​യ​നാ​ട് ദു​ര​ന്ത​ത്തി​ൽ കു​ടും​ബ​ത്തി​ലെ 11 അം​ഗ​ങ്ങ​ൾ ന​ഷ്ട​പ്പെ​ട്ട ഒമാൻ പ്രവാസി  മു​ണ്ട​ക്കൈ സ്വ​ദേ​ശി ക​ള​ത്തി​ങ്ക​ൽ നൗ​ഫ​ലി​ന് കൈത്താ​ങ്ങു​മാ​യി ഒ​മാ​നി​ലെ പ്ര​വാ​സി​ക​ൾ. ഒ​മാ​നി​ലെ ജാ​ലാ​ൻ ബ​നീ ബു​ആ​ലി​യി​ൽ ആയിരുന്നു ഇദ്ദേഹം ജോലി ചെയ്തിരുന്നത്. ദുരന്തത്തിൽ എല്ലാം നഷ്ടപ്പെട്ട നൗഫലിനെ പൂർണമായി ഏറ്റെടുക്കുമെന്ന് മസ്കത്ത് കെ.എം.സി.സി കേന്ദ്ര കമ്മിറ്റി പ്രസിഡന്റ് റഈസ്  അഹമദ് പറഞ്ഞു. 

നൗഫലിന് താമസിക്കാനാവശ്യമായ വീട്, ആവശ്യമാണെങ്കിൽ വീടിന് സ്ഥലം, നാട്ടിൽ തന്നെ തുടരാൻ ആഗ്രഹിക്കുന്നുവെങ്കിൽ ഉപജീവന മാർഗം തുടങ്ങിയ സഹായങ്ങൾ മസ്കത്ത് കെ.എം.സി.സി ഏറ്റെടുക്കുമെന്ന് അദ്ദേഹം പറഞ്ഞു. നൗഫലിന് അടിയന്തര സഹായമായി മസ്കത്ത് കെഎംസിസി ഒരു തുക നൽകിയിരുന്നു. പ്രിയപ്പെട്ടവരുടെ വിയോഗത്തിൽ നൗഫൽ ആകെ തകർന്നിരിക്കയാണെന്നും ആവശ്യങ്ങൾ എന്തൊക്കെയാണെന്ന് പ്രതികരിക്കാനായുള്ള മാനസികാവസ്ഥയിലല്ലെന്നും അദ്ദേഹം പറഞ്ഞു.  കാര്യങ്ങൾ പിന്നീട് കൃത്യമായി അന്വേഷിച്ച ശേഷം ആവശ്യമായ എല്ലാ സഹായവും എത്തിക്കുമെന്ന് റഈസ് അഹമദ് കൂട്ടിച്ചേർത്തു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക