അബൂദബി: റിക്കവറി വാഹനങ്ങൾ വലിച്ചുകൊണ്ടു പോകുന്ന വാഹനങ്ങളുടെ നമ്പർ പ്ലേറ്റുകൾ മറയ്ക്കരുതെന്ന് അബൂദബി പൊലിസ് മുന്നറിയിപ്പ്. അങ്ങനെ ചെയ്യുന്നത് പിഴയും ബ്ലാക്ക് പോയിൻ്റും ചുമത്താൻ ഇടയാക്കുമെന്നും പൊലിസ് വ്യക്തമാക്കി.  വലിച്ചുകൊണ്ടു പോകുന്ന വാഹനങ്ങളുടെ നമ്പർ പ്ലേറ്റ് മറയ്ക്കുന്നത് നിരോധിച്ചതാണെന്നും  അങ്ങനെ ചെയ്യരുതെന്നും പൊലിസ് നിർദേശിച്ചു. ഈ നിയമം പാലിക്കുന്നതിൽ വീഴ്ച വരുത്തിയാൽ ഫെഡറൽ ട്രാഫിക് നിയമ പ്രകാരം റിക്കവറി വാഹനങ്ങളുടെ ഡ്രൈവർമാർക്ക് 400 ദിർഹം പിഴയും നാല് ബ്ലാക്ക് പോയിൻ്റുകളും നൽകുമെന്നും ബന്ധപ്പെട്ട ഉദ്യോഗസ്ഥർ പറഞ്ഞു.