കൃത്യമായ പെർമിറ്റുകളില്ലാതെ പ്രവർത്തിക്കുന്ന ഫുഡ് ട്രാൻസ്പോർട്ട്, ഡെലിവറി വാഹനങ്ങൾക്കെതിരെ ഷാർജ മുനിസിപ്പാലിറ്റി പരിശോധന കാമ്പെയ്‌നുകൾ ശക്തമാക്കുന്നു. ഉപഭോക്താക്കൾക്ക് സുരക്ഷിതമായ ഭക്ഷണം നൽകുന്നതിനും എമിറേറ്റിലുടനീളം പൊതുജനാരോഗ്യം സംരക്ഷിക്കുന്നതിനും ഈ മിന്നൽ പരിശോധനകൾ അനിവാര്യമാണെന്ന് ഒരു ഉന്നത ഉദ്യോഗസ്ഥൻ പറഞ്ഞു .ഭക്ഷ്യ സ്ഥാപനങ്ങൾ സൂക്ഷ്മമായി പരിശോധിക്കുന്നത് പോലെ തന്നെ നിർണ്ണായകമാണ് ഫുഡ് ട്രാൻസ്പോർട്ട് വാഹനങ്ങൾ പരിശോധിക്കുന്നത് എന്ന് ഹെൽത്ത് കൺട്രോൾ ആൻഡ് സേഫ്റ്റി ഡിപ്പാർട്ട്മെൻ്റ് ഡയറക്ടർ ജമാൽ അൽ മസ്മി പറഞ്ഞു.

ലൈസൻസില്ലാത്ത ഭക്ഷ്യ ഗതാഗത വാഹനങ്ങളുമായി ഇടപഴകുന്നത് ഒഴിവാക്കാൻ രാജ്യത്തെ താമസക്കാരോടും ഭക്ഷ്യസ്ഥാപനങ്ങളോടും ഉദ്യോഗസ്ഥർ അഭ്യർത്ഥിച്ചു, അത്തരം രീതികൾ ഭക്ഷ്യ സുരക്ഷയ്ക്ക് ഗുരുതരമായ ഭീഷണിയുണ്ടാക്കുമെന്ന് ചൂണ്ടിക്കാട്ടി.സുരക്ഷിതമായ ഭക്ഷണ വിതരണം ഉറപ്പാക്കാൻ വാഹനങ്ങൾ കർശനമായ ആരോഗ്യ സുരക്ഷാ മാനദണ്ഡങ്ങൾ പാലിക്കണമെന്ന് അദ്ദേഹം ഊന്നിപ്പറഞ്ഞു, വാഹനങ്ങൾ കൊണ്ടുപോകുന്ന പ്രത്യേക തരം ഭക്ഷണത്തിന് അനുയോജ്യമാണോയെന്ന് സൂക്ഷ്മ പരിശോധനയ്ക്ക് ശേഷം മാത്രമേ ഭക്ഷ്യ ഗതാഗതത്തിനുള്ള പെർമിറ്റ് അനുവദിക്കൂ. ഭക്ഷണം സംരക്ഷിക്കുന്നതിനുള്ള ശരിയായ താപനില നിയന്ത്രണവും ഭക്ഷണത്തിൻ്റെ സ്വഭാവത്തിന് വാഹന അനുയോജ്യമാണോയെന്ന് ഉറപ്പാക്കുന്നതും ഇതിൽ ഉൾപ്പെടുന്നു.

ഭക്ഷ്യ ഗതാഗത വാഹനങ്ങളുടെ നടത്തിപ്പുകാർ ഭക്ഷ്യ നിയന്ത്രണ വകുപ്പിൻ്റെ കർശനമായ മാർഗ്ഗനിർദ്ദേശങ്ങൾ പാലിക്കണം. ഈ മാർഗ്ഗനിർദ്ദേശങ്ങളിൽ ജനത്തിരക്ക് ഒഴിവാക്കുക, വാഹനങ്ങൾ ഭക്ഷ്യേതര വസ്തുക്കൾക്കായി ഉപയോഗിക്കുന്നില്ലെന്ന് ഉറപ്പാക്കുക, ശുചിത്വം പാലിക്കുക എന്നിവ ഇതിൽ ഉൾപ്പെടുന്നു. വാഹനങ്ങൾ കൊണ്ടുപോകുന്നതും സംഭരിക്കുന്നതുമായ ഭക്ഷണത്തിന് അനുയോജ്യമായിരിക്കണം.ഈ നിയന്ത്രണങ്ങളിലൂടെ ഷാർജ മുനിസിപ്പാലിറ്റി എമിറേറ്റിലുടനീളം ഭക്ഷ്യ സുരക്ഷ വർദ്ധിപ്പിക്കാനും പൊതുജനാരോഗ്യം സംരക്ഷിക്കാനും ലക്ഷ്യമിടുന്നു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക