എടപ്പാള്‍: ഭര്‍ത്താവിന്റെ കുത്തേറ്റു ഭാര്യക്കു ഗുരുതര പരുക്കേറ്റു. എടപ്പാള്‍ പൊല്‍പ്പാക്കരക്കു സമീപം തറക്കലില്‍  മൊളക്കല്‍ അച്യുതന്റെ മകള്‍ ജിഷ(34)യെയാണു ഭര്‍ത്താവു രവികുമാര്‍  കുത്തി പരുക്കേല്‍പ്പിച്ചത്. ഇന്നലെ രാവിലെ എട്ടരയ്ക്കാണു സംഭവം. ഇരുവരും തമ്മിലുണ്ടണ്ടായ തര്‍ക്കത്തെത്തുടര്‍ന്നു ഭര്‍ത്താവ് കത്തിയെടുത്തു ജിഷയുടെ വയറ്റില്‍ കുത്തുകയായിരുന്നു.
പരുക്കേറ്റ ജിഷയെ എടപ്പാളിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഭര്‍ത്താവ് ഒളിവിലാണ്. പൊന്നാനി പൊലിസ്  കേസെടുത്ത് അന്വേഷണം ആരംഭിച്ചു.