ദുബൈ: പണമിടപാട് സ്ഥാപനമായ മുത്തൂറ്റ് എക്‌സ്‌ചേഞ്ചിന്റെ യു.എ.ഇയിലെ അംഗീകാരം റദ്ദാക്കി, ഓഹരി, മൂലധനം എന്നിവയില്‍ പാലിക്കേണ്ട ചട്ടങ്ങളില്‍ വീഴ്ച വരുത്തിയെന്ന് കണ്ടെത്തിയതിനെ തുടര്‍ന്ന് യു.എ.ഇ സെന്‍ട്രല്‍ ബാങ്കിന്റേതാണ് നടപടി. യു.എ.ഇ സെന്‍ട്രല്‍ ബാങ്ക് പുറത്തിറക്കിയ ഔദ്യോഗിക പ്രസ്താവനയിലൂടെയാണ് ഇക്കാര്യമറിയിച്ചത്. 

എക്‌സ്‌ചേഞ്ചുകള്‍ മൂലധനം ഓഹരി എന്നിവ യു.എ.ഇ നിര്‍ദേശിക്കുന്ന നിലവാരത്തില്‍ സൂക്ഷിക്കുകയും ഇതിന്റെ കണക്കുകള്‍ സമര്‍പ്പിക്കുകയും ചെയ്യേണ്ടതുണ്ട്, എന്നാല്‍ പരിശോധനയില്‍ മുത്തൂറ്റ് എക്‌സ്‌ചേഞ്ച് നിരന്തരമായി നിലവാരം സൂക്ഷിക്കുന്നില്ലെന്നും സ്ഥാപനത്തിന്റെ കണക്കുകള്‍ വ്യക്തമല്ലെന്നും കണ്ടെത്തിയതിനെ തുടര്‍ന്നാണ് നടപടി. ഇതുകൂടാതെ, സെന്‍ട്രല്‍ ബാങ്കിന്റെ ഔദ്യോഗിക രജിസ്റ്ററില്‍ നിന്ന് ആര്‍ട്ടിക്കിള്‍ 137 (1) പ്രകാരം സ്ഥാപനത്തിന്റെ പേര് ഒഴിവാക്കുകയും ചെയ്തു.

യു.എ.ഇ.യുടെ സാമ്പത്തിക വ്യവസ്ഥയുടെ സുതാര്യതയും സമഗ്രതയും സംരക്ഷിക്കുന്നതിന് സെന്‍ട്രല്‍ ബാങ്ക് സ്വീകരിച്ചിട്ടുള്ള നിയമങ്ങളും, ചട്ടങ്ങളും, മാനദണ്ഡങ്ങളും, എല്ലാ എക്‌സ്‌ചേഞ്ച് ഹൗസുകളും അവയുടെ ഉടമകളും ജീവനക്കാരും പാലിക്കുന്നുണ്ടെന്ന് ഉറപ്പാക്കാന്‍ ബാങ്ക് പ്രതിജ്ഞാബദ്ധമാണെന്നും പ്രസ്താവനയില്‍ പറയുന്നു. 

The UAE Central Bank has cancelled the license of Muthoot Exchange, citing regulatory concerns. Learn more about the implications of this decision on the exchange's operations.