കേരളത്തിലെ ആദ്യത്തെ ചലിക്കുന്ന കോഫീ ഷോപ്പ് ആരംഭിച്ചത് കൊച്ചിയിലാണ് വയനാടുകാരന്‍ ആയ അനന്തു ആണ് ഈ സംരംഭത്തിന് പിന്നില്‍. പണ്ട് മുതലേ കാപ്പി കൃഷിയുമായി അടുത്ത ബന്ധമുണ്ട് അനന്തുവിന്. കൃഷി ചെയ്‌തെടുക്കുന്ന കാപ്പിയെ ഒരു പ്രോഡക്ട് ആക്കി മാറ്റുക എന്ന ചിന്തയിലൂടെ ആണ് അനന്തു താര കോഫീ എന്ന സഞ്ചരിക്കുന്ന കോഫീ ഷോപ്പ് എന്ന ആശയത്തിലേക്ക് എത്തിയത്.

എറണാകുളം ക്വീന്‍സ് വാക് വേയില്‍ വൈകുന്നേരം മുതല്‍ പുലര്‍ച്ചെ വരെയാണ് കോഫീ കാരവന്‍ ഉണ്ടാകുക. ഇത് കൂടാതെ കൊച്ചി ലുലു മാളിലും താര കോഫിയുടെ ഔട്‌ലറ്റ് ആരംഭിച്ചിട്ടുണ്ട്. വയനാട്ടിലെ മണ്ണിലും കാലാവസ്ഥയിലും കൃഷിചെയ്‌തെടുക്കുന്ന കാപ്പിക്കുരുവില്‍ നിന്നാണ് 'താരാ കോഫി' പ്രൊഡക്ടുകള്‍ നിര്‍മ്മിക്കുന്നത്.

വയനാട് ജില്ലയിലെ സുല്‍ത്താന്‍ ബത്തേരിയിലുള്ള സ്വന്തം കൃഷിയിടമാണ് താരാ കോഫിയുടെ ആസ്ഥാനം. ഇറ്റലി, ജര്‍മനി തുടങ്ങിയ യൂറോപ്യന്‍രാജ്യങ്ങളിലേക്കും ഗള്‍ഫ് രാജ്യങ്ങളിലേക്കും താരാ കോഫി കാപ്പി കയറ്റുമതിയും ചെയ്യപ്പെടുന്നു. കാരവാനില്‍ കാന്റീന്‍ തുടങ്ങുന്നതിനായി മോട്ടോര്‍ വാഹന വകുപ്പിന്റെ പ്രത്യേക അനുമതി നേടിയ ശേഷമാണ് 2021 ല്‍ അനന്തു ഈ സംരംഭത്തിന് തുടക്കം കുറിച്ചത്.

Introducing Tara Coffee Caravan, Kerala's pioneering mobile coffee shop, bringing specialty coffee to your doorstep. This innovative venture combines a passion for coffee with the convenience of a food truck, redefining the coffee culture in Kerala.