റിയാദ്: സഊദി അറേബ്യയിൽ അടുത്ത ചൊവ്വാഴ്‌ച വരെ വിവിധ പ്രദേശങ്ങളിൽ ഇടിമിന്നലോട് കൂടിയ മഴ തുടരാൻ സാധ്യതയുണ്ടെന്ന് ജനറൽ ഡയറക്‌ടറേറ്റ് ഓഫ് സിവിൽ ഡിഫൻസ് മുന്നറിയിപ്പ് നൽകി. മക്ക മേഖലയിൽ വെള്ളപ്പൊക്കം, ആലിപ്പഴം എന്നിവയ്ക്കൊപ്പം സാമാന്യം ശക്തമായ മഴ ലഭിക്കുമെന്ന് മുന്നറിയിപ്പുണ്ട്. റിയാദിൽ നേരിയതോ മിതമായതോ ആയ മഴ ലഭിക്കും.

മദീന, അൽ ബാഹ, അസീർ, ജിസാൻ, നജ്റാൻ എന്നിവയുൾപ്പെടെയുള്ള പ്രദേശങ്ങളിൽ മിതമായതോ കനത്തതോ ആയ മഴയും ഖാസിം, കിഴക്കൻ മേഖല എന്നിവിടങ്ങളിൽ നേരിയ മഴയും പെയ്തേക്കാം. പൗരന്മാരോടും താമസക്കാരോടും ജാഗ്രത പാലിക്കാനും വെള്ളപ്പൊക്ക സാധ്യതയുള്ള പ്രദേശങ്ങൾ ഒഴിവാക്കാനും വിവിധ മാധ്യമങ്ങളിലൂടെ നൽകുന്ന സുരക്ഷാ മാർഗ്ഗനിർദ്ദേശങ്ങൾ പാലിക്കാനും ഡയറക്‌ടറേറ്റ് മുന്നറിയിപ്പ് നൽകി.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക