നെടുമങ്ങാട്: ജില്ലാ ആശുപത്രിയില്‍ പ്രസവത്തിനിടെ ഗര്‍ഭസ്ഥശിശു മരിച്ച സംഭവത്തില്‍ ഗൈനക്കോളജിസ്റ്റ് ഡോ. ബിന്ദു സുന്ദറിന് ഗുരുതര വീഴ്ച്ചയെന്ന് റിപ്പോര്‍ട്ട്. സിസേറിയന്‍ ചെയ്യുന്നതില്‍ കാലതാമസമുണ്ടായതാണ് കണ്ടെത്തല്‍. കുട്ടിക്ക് വളര്‍ച്ച കുറവായിരുന്നുവെന്നും റിപ്പോര്‍ട്ടിലുണ്ട്. മെഡിക്കല്‍ കോളജ് എസ്.ഐ.ടി ആശുപത്രിയില്‍ നിന്നുള്ള മെഡിക്കല്‍ സംഘമാണ് അന്വേഷണം നടത്തിയത്. 

വിതുര മണലി ആദിവാസി ഊരിലെ ബിനില്‍ മനോഹരന്റെ ഭാര്യ രഞ്ജന കൃഷ്ണ (37) ജന്മം നല്‍കിയ കുഞ്ഞാണ് കഴിഞ്ഞ ചൊവ്വാഴ്ച്ച നെടുമങ്ങാട് ജില്ലാ ആശുപത്രിയില്‍ മരിച്ചത്.

ALSO READ: ശസ്ത്രക്രിയ കഴിഞ്ഞ് ഉപകരണങ്ങള്‍ നീക്കിയതായി നഴ്‌സ് ഉറപ്പ് നല്‍കിയതിന് ശേഷമാണ് തുന്നിട്ടതെന്ന് ഡോക്ടറുടെ മൊഴി;  കത്രിക വയറ്റില്‍ കുടുങ്ങിയ സംഭവത്തില്‍ അന്വേഷണ റിപ്പോര്‍ട്ട്

കുഞ്ഞ് മരിച്ചതിന് പിന്നാലെ ബിന്ദു സുന്ദറിനെതിരേ വലിയ പ്രതിഷേധമാണുണ്ടായത്. പിന്നാലെ അവരെ സസ്പെന്‍ഡ് ചെയ്യുകയും ചെയ്തിരുന്നു. നടപടിയുടെ ആദ്യപടിയായി ഡോ.ബിന്ദു സുന്ദറിനോട് നിര്‍ബന്ധിത അവധിയില്‍ പ്രവേശിക്കാന്‍ ആവശ്യപ്പെട്ടിരുന്നു. പിന്നാലെ ബുധനാഴ്ച്ച ഉച്ചയോടെയായിരുന്നു ഡോക്ടറെ സ്ഥലംമാറ്റിക്കൊണ്ടും അന്വേഷണ സംഘത്തെ നിയോഗിച്ചുകൊണ്ടും ഉത്തരവിറങ്ങിയത്.

നിരഞ്ജനയ്ക്ക് വേദന ഇല്ലായിരുന്നുവെന്നും എന്നിട്ടും ലേബര്‍ റൂമിലേക്ക് കൊണ്ടുപോവുകയും മണിക്കൂറുകള്‍ അവിടെ കിടത്തിയ ശേഷമാണ് ശസ്ത്രക്രിയ നടത്തിയതെന്നും ബന്ധുക്കള്‍ ആരോപിച്ചിരുന്നു.

A medical inquiry has found serious lapses on the part of Dr. Bindu Sundar, a gynecologist at Nedumangad District Hospital, in connection with the death of a fetus during delivery. The investigation revealed that a delay in performing a cesarean section contributed to the tragedy.