കോഴിക്കോട്: ട്രെയിന്‍ യാത്രക്കാരെ ലക്ഷ്യമിട്ട് ലാപ്‌ടോപ്പുകളും മൊബൈല്‍ ഫോണുകളും കവര്‍ന്നിരുന്ന യുവാവ് റെയില്‍വേ പൊലിസിന്റെ പിടിയിലായി. മലപ്പുറം നിലമ്പൂര്‍ സ്വദേശി മുഹമ്മദ് സിഫില്‍ (23) ആണ് അറസ്റ്റിലായത്. പിടികൂടുമ്പോള്‍ ഇയാളുടെ പക്കല്‍ നിന്ന് ഒരു ഐഫോണും മറ്റൊരു സ്മാര്‍ട്ട്‌ഫോണും പൊലിസ് കണ്ടെടുത്തു.

എറണാകുളം നിസാമുദ്ദീന്‍ എക്‌സ്പ്രസില്‍ നിന്നും പുതുച്ചേരി മംഗലാപുരം എക്‌സ്പ്രസിന്റെ ജനറല്‍ കോച്ചില്‍ നിന്നും യാത്രക്കാരുടെ ലാപ്‌ടോപ്പുകള്‍ അടങ്ങിയ ബാഗുകള്‍ ഇയാള്‍ കവര്‍ന്നിരുന്നു. കാരയ്ക്കല്‍ എറണാകുളം എക്‌സ്പ്രസില്‍ വച്ച് ഒരു യാത്രക്കാരന്റെ വിലകൂടിയ ഐഫോണ്‍ മോഷ്ടിച്ചതായും പരാതിയുണ്ട്.

ഫോണ്‍ വിളിക്കാനെന്ന വ്യാജേന യാത്രക്കാരോട് മൊബൈല്‍ വാങ്ങിയ ശേഷം ട്രെയിനില്‍ നിന്ന് കടന്നുകളയുന്ന രീതിയും ഇയാള്‍ക്കുണ്ടായിരുന്നു. കോഴിക്കോട് റെയില്‍വേ പൊലിസ് ഇന്‍സ്‌പെക്ടര്‍ സുധീര്‍ മനോഹറിന്റെ നേതൃത്വത്തിലുള്ള സംഘമാണ് പ്രതിയെ വലയിലാക്കിയത്. എറണാകുളം സെന്‍ട്രല്‍, ഫോര്‍ട്ട് കൊച്ചി സ്റ്റേഷനുകളിലും ഇയാള്‍ക്കെതിരെ നേരത്തെ കേസുകളുണ്ട്. ഇയാള്‍ വിറ്റഴിച്ച രണ്ട് ലാപ്‌ടോപ്പുകള്‍ കൂടി കണ്ടെത്താനുണ്ടെന്ന് പൊലിസ് അറിയിച്ചു.

ALSO READ: ആറ് സംസ്ഥാനങ്ങളിലെ അന്തിമ വോട്ടര്‍ പട്ടിക പൂര്‍ത്തിയായി; ഏറ്റവും കൂടുതല്‍ ആളുകള്‍ പുറത്തായത് ഗുജറാത്തില്‍, 68 ലക്ഷത്തിലേറെ വോട്ടര്‍മാര്‍, കേരളത്തിലും ഗണ്യമായ കുറവ് 

23-year-old Muhammad Sifil from Nilambur, a frequent thief on long-distance trains, was arrested by Railway Police for stealing high-end gadgets including iPhones and laptops from passengers across various express trains.