കോഴിക്കോട്: ഭക്ഷണം കഴിച്ച പണം ആവശ്യപ്പെട്ടതിന് ഹോട്ടല്‍ തല്ലിത്തകര്‍ത്തു. കോഴിക്കോട് മിംസ് ആശുപത്രിയ്ക്ക് മുന്‍വശത്തെ അളിയന്‍സ് എന്ന ഹോട്ടലിലാണ് മൂന്നംഗ സംഘത്തിന്റെ ആക്രമണമുണ്ടായത്. ക്യാഷ് കൗണ്ടറിലിരുന്ന യുവാവിനെ ഇരുമ്പ് വടികൊണ്ട് ആക്രമിക്കുകയും ചെയ്തു.

കഴിഞ്ഞ ദിവസം രാത്രി 9.30 ഓടെയായിരുന്നു സംഭവം.  600 രൂപയിലധികം രൂപയുടെ ഭക്ഷണമാണ് മൂവരും ചേര്‍ന്ന് കഴിച്ചത്. ഭക്ഷണം കഴിച്ച ശേഷം ക്യാഷ് കൗണ്ടറിലിരുന്നയാള്‍ പണം ചോദിച്ചപ്പോഴാണ് ഇവര്‍ അക്രമാസക്തരാവുകയായിരുന്നു. പിന്നീട് പുറത്തുപോയി വടി അടക്കം എടുത്തുകൊണ്ട് വന്ന് ആക്രമിക്കുകയായിരുന്നു. മൂന്നുപേരും മദ്യപിച്ചിരുന്നതായി ജീവനക്കാര്‍ പറയുന്നു. 

രണ്ടാഴ്ച മുമ്പാണ് ഹോട്ടല്‍ തുടങ്ങിയത്. അക്രമികളില്‍ ഒരാളെ നാട്ടുകാര്‍ ചേര്‍ന്ന് പിടികൂടി പൊലിസിലേല്‍പ്പിച്ചു. മറ്റുള്ള രണ്ട് പേര്‍ക്ക് വേണ്ടി തിരച്ചില്‍ തുടരുകയാണ്. ഒരു ലക്ഷത്തിലേറെ രൂപയുടെ നാശനഷ്ടമാണ് ഉണ്ടായതെന്നാണ് റിപ്പോര്‍ട്ട്. 

A three-member group vandalised a hotel in Kozhikode after being asked to pay for the food they consumed. The incident occurred at Alliance Hotel located opposite MIMS Hospital in Kozhikode around 9.30 pm.